Дар Донишгоҳи Акита лоиҳаи муҳаққиқи тоҷик муаррифӣ гардид
ДУШАНБЕ, 05.12.2024 /АМИТ «Ховар»/. 3 декабр президенти Академияи миллии илмҳои Тоҷикистон Қобилҷон Хушвахтзода дар Донишгоҳи Акитаи Ҷопон дар муаррифии лоиҳаи iTAG-SATREPS, ки аз ҷониби муҳаққиқи ҷавони тоҷик пешниҳод гардидааст, иштирок намуд.
Тавре АМИТ «Ховар» бо истинод ба Академияи миллии илмҳои Тоҷикистон хабар медиҳад, зимни муаррифӣ иттилоъ дода шуд, ки лоиҳаи iTAG-SATREPS — «Сохтмони низоми гармидиҳии декарбонатӣ бо истифода аз захираҳои оби зеризаминӣ» дастгирии техникӣ буда, ба таъсису ҷиҳозонидани озмоишгоҳ ва сохтмони ду истгоҳи гармидиҳӣ-сардкунии бино равона гардидааст.
Дар доираи ин лоиҳа истгоҳи таҷрибавии гармидиҳӣ-сардкунӣ барои 100 м2 дар назди бинои Маркази рушди инноватсионии илм ва технологияҳои нави Академияи миллии илмҳои Тоҷикистон сохта шуда, рӯзҳои наздик бо насби таҷҳизоти зарурӣ ба истифода дода мешавад. Истгоҳи таҷрибавии гармидиҳӣ-сардкунии дуюм дар дармонгоҳи Мачитон ба нақша гирифта шуда, корҳои пармакунӣ оғоз ёфтаанд. Баъди пурра омӯхтани кори ин истгоҳҳо дар шароити Тоҷикистон тавсияи истифодаи он ба дигар муассисаҳо дода мешавад.
Лоиҳаи iTAG-SATREPS аз ҷониби муҳаққиқи ҷавони Маркази рушди инноватсионии илм ва технологияҳои нави Академияи миллии илмҳои Тоҷикистон муаррифӣ гардида, бо дастгирии намояндагони Ҷопон амалӣ мешавад.
Тибқи қарордоди тарафайн, ба Донишгоҳи Акита аз ҳисоби муҳаққиқони ҷавони Академияи миллии илмҳои Тоҷикистон 3 нафар барои гузаштани курси магистрӣ, 1 нафар барои PhD ва 2 нафар барои гузаштани машғулияти такмили ихтисос фиристода шудаанд.
АКС: Академияи миллии илмҳои Тоҷикистон
Дар Тоҷикистон зиёда аз 21 навъи маводу масолеҳи тармимгарӣ омода карда мешавад
ПАЁМЕ, КИ ҲАМА НУРУ НАВИД АСТ. Андешаҳои Шоири халқии Тоҷикистон Камол Насрулло дар ҳошияи Паёми Президенти Тоҷикистон ба Маҷлиси Олӣ
ПАЁМИ ПРЕЗИДЕНТИ ТОҶИКИСТОН — ДАСТУРАМАЛ ВА РОҲНАМО. Дар Душанбе ҳамоиши илмӣ доир гардид
Ризо Солеҳии Амирӣ: «Аз ҳар муваффақияти Тоҷикистон ҳушҳолу сарфароз мешавем»
Маркази тадқиқоти стратегии назди Президенти Ҷумҳурии Тоҷикистон ва Маркази пажуҳишии Шурои исломии Эрон ҳамкорӣ дар самти таҳқиқотро густариш медиҳанд
Байни Академияи миллии илмҳои Тоҷикистон ва Пажуҳишгоҳи муҳандисии генетикӣ ва биотехнологияи Эрон Ёддошти тафоҳум ба имзо расид
Аҳли илму адаби Эрон дар Осорхонаи миллӣ бо таъриху тамаддуни тоҷикон шинос гардид
Ҳамкории Академияи миллии илмҳои Тоҷикистон бо Вазорати мероси фарҳангӣ, гардишгарӣ ва саноеи дастии Эрон баррасӣ гардид
«Мероси Имоми Аъзам ва гуфтугӯи тамаддунҳо», «Мавлоно ва тамаддуни инсонӣ» сазовори «Шоҳҷоиза»-и Озмуни ҷумҳуриявии «Китоби сол-2024» гардиданд
Дар Душанбе робитаҳои фарҳангии Тоҷикистон ва Эрон баррасӣ шуданд
Дар Душанбе Пажуҳишгоҳи фарҳангии тоҷикӣ-форсӣ ифтитоҳ гардид
Дар Душанбе Форуми олимону пажуҳишгарони Тоҷикистон ва Эрон баргузор шуд
