Дар шаҳраки 13-уми шаҳри Хуҷанд барои пиронсолон мавзеи фароғат месозанд
ДУШАНБЕ, 19.12.2024 /АМИТ «Ховар»/. Сокинони биноҳои баландошёнаи рақами 67 ва 68-и шаҳрчаи 13-уми шаҳри Хуҷанд бо мақсади сазовор пешвоз гирифтани ҷашни 35 — солагии Истиқлоли давлатии Ҷумҳурии Тоҷикистон тасмим гирифтаанд, ки дар назди биноҳои худ майдончаи хурди футбол, баскетбол ва мавзеи фароғат барои пиронсолон сохта ба истифода диҳанд. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Хуҷанд иттилоъ доданд.
Сокинони маҳал ин ташаббуси худро ҷонибдорӣ аз сиёсати пешгирифтаи Ҳукумати Ҷумҳурии Тоҷикистон, бахусус Президенти мамлакат муҳтарам Эмомалӣ Раҳмон ҷиҳати саҳм гузоштан дар корҳои созандагию ободонӣ, тарғиби тарзи ҳаёти солим, оммавӣ гардонидани варзиш ва дар сатҳи баланд истиқбол гирифтани ҷашни фархундаи миллӣ — 35 — солагии Истиқлоли давлатӣ арзёбӣ намуданд.
Баъди ба истифода додани ин майдончаҳо наврасону ҷавонони ин хонаҳои баландошёна имкони баргузории мусобиқаҳои гуногуни варзиширо пайдо намуда, дар ин ҷо ба машқу тамрин машғул мешаванд.
Пиронсолони ин биноҳо аз сохтмони мавзеи фароғат барои онҳо изҳори хушнудӣ намуда, ба Сарвари давлат барои зоҳир намудани чунин таваҷҷуҳу ғамҳорӣ изҳори сипос намуданд. Акнун онҳо дар ин ҷо ҷамъ омада, бо ҳамсолони худ суҳбат намуда, ба бозиҳои зеҳнӣ, аз ҷумла шоҳмот, шашка ва ғайра машғул шуда, хотири худро болида мегардонанд.
Алҳол корҳои ҳамворкунӣ ва сохтмонӣ дар ин мавзеъ оғоз гардидааст. Ҳамзамон аз ҷониби сокинон мошинсаройҳо рангубор гардида, ҳудуди он ба тартиб дароварда шуда истодааст. Истиқоматкунандагон изҳор доштанд, ки пешрафти Ватан аз ободии хонаи ҳар яки мо сар мешавад. «Аз ин ру ҳар яки мо бояд дар рушду шукуфоии Ватанамон бо обод кардани хона, кӯча, маҳал ва ноҳияву шаҳрамон саҳм гузорем»,- таъкид намуданд онҳо.
АКС: Мақомоти иҷроияи ҳокимияти давлатии шаҳри Хуҷанд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
Пешвои миллат Эмомалӣ Раҳмон дар шаҳри Истаравшан бинои маҷмааи миллии соҳибкории «Роҳи Абрешим»-ро мавриди истифода қарор доданд
Сарвари давлат Эмомалӣ Раҳмон дар ноҳияи Шаҳристон дар Иди картошка иштирок намуданд
Сарвари давлат Эмомалӣ Раҳмон дар ноҳияи Шаҳристон барои бунёди 2 корхона санги асос гузоштанд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон муассисаи таълимии хусусии литсейи «Идрок»-ро ифтитоҳ намуданд
Пешвои миллат Эмомалӣ Раҳмон ба таври фосилавӣ дар ноҳияҳои Шаҳристон ва Айнӣ 9 иншоотро мавриди истифода қарор доданд
