Доир ба рушди ҷанбаҳои кадрии сиёсати давлатии ҷавонон конференсияи ҷумҳуриявӣ баргузор гардид
ДУШАНБЕ, 23.12.2024 /АМИТ «Ховар»/. Дар Академияи идоракунии давлатии назди Президенти Ҷумҳурии Тоҷикистон дар мавзуи «Рушди ҷанбаҳои кадрии сиёсати давлатии ҷавонон» конференсияи ҷумҳуриявии илмӣ-амалӣ баргузор шуд.
Дар конференсия таъкид шуд, ки таваҷҷуҳ ба ҷавонон ва дастгирии онҳо дар ҳама давру замон яке аз роҳҳои таҳким бахшидани ояндаи дурахшон ва рушди соҳаҳои гуногун ба ҳисоб меравад. Ҳамин аст, ки дар Тоҷикистон аз рӯзҳои аввали Истиқлоли давлатӣ барои дастгирии ҷавонон ва рушду ташаккули онҳо таваҷҷуҳи махсус зоҳир гардида, сол то сол ғамхорӣ нисбат ба ин қишри ояндадору ояндасози ҷомеа меафзояд.
Қисмати асосии аҳолии ҷумҳуриро ҷавонон ташкил медиҳанд ва онҳо дар пешрафти соҳаҳои хоҷагии халқи мамлакат ба фаъолият фаро гирифта шуда, дар ин замина барои илмомӯзӣ ва соҳибмаърифату соҳибкасб шуданашон шароиту имконоти мусоид фароҳам оварда шудааст.
Устодони академия зимни маърузаҳо ёдовар шуданд, ки дар солҳои аввали соҳибистиқлолӣ бо дастгириҳои пайвастаи Пешвои миллат муҳтарам Эмомалӣ Раҳмон Кумитаи кор бо ҷавонон ва варзиши назди Ҳукумати Ҷумҳурии Тоҷикистон таъсис дода шуд, ки давоми мавҷудияти худ ин мақомоти ваколатдори давлатӣ сиёсати давлатии ҷавононро амалӣ менамояд. Ҳамчунин давлат ва ҳукумати ҷумҳурӣ ба дастгирии ҷавонон, таъмини онҳо бо ҷойи нави кор, истифодаи технологияҳои иттилоотию коммуникатсионӣ, инчунин омӯзиши забонҳои хориҷӣ диққати махсус дода, пешниҳодҳои ҷавононро бобати инкишофи Ватанамон дастгирӣ ва шароити мусоиди фаъолиятро барои онҳо таъмин менамояд.
Иштирокдорон мавқеи ҷавононро аз диду назари илмӣ доир ба татбиқи сиёсати давлатӣ, рушди хизмати давлатӣ, идеологияи миллӣ, ташаккули арзишҳои миллӣ, худшиносии миллӣ, таҳкими истиқлоли сиёсӣ ва самаранокии низоми идоракунии сиёсӣ муайян намуда, бо мақсади боз ҳам таҳким бахшидани сиёсати давлатӣ дар соҳаи кор бо ҷавонон ва варзиш таклифу пешниҳодҳои мушаххас манзур намуданд.
АКС: Академияи идоракунии давлатии назди Президенти Ҷумҳурии Тоҷикистон
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
Имрӯз дар водиҳои Тоҷикистон ҳаво то 38 дараҷа гарм мешавад
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
35 СОЛИ СОЗАНДАГӢ ВА РУШД ДАР ХАТЛОН. 55–60 фоизи ҳаҷми умумии маҳсулоти кишоварзии Тоҷикистон дар ин вилоят истеҳсол мешавад
