Китобхонаи илмии Донишгоҳи давлатии Хоруғ баъди навсозӣ мавриди истифода қарор дода шуд
ДУШАНБЕ, 16.12.2024. /АМИТ «Ховар»/. Имрӯз китобхонаи илмии Донишгоҳи давлатии Хоруғ ба номи М.Назаршоев баъди навсозӣ мавриди истифода қарор дода шуд. Зимни ифтитоҳи он Раиси Вилояти Мухтори Кӯҳистони Бадахшон Алишер Мирзонабот дар бораи ба марҳилаи нави рушд ворид шудани вилоят, аз ҷумла пешрафту тараққиёт дар солҳои 2023-2024, ки ба ташрифи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба вилоят рост меоянд, сухан гуфт.
Соли равон бо иштироки мардуми сарбаланди вилоят тамоми чорабиниҳои давлатӣ ва касбӣ дар сатҳи баланд доир гардиданд.
Зимни мулоқот ректори Донишгоҳи давлатии Хоруғ Амид Комилбек доир ба сатҳу сифати таҳсил, таълиму тарбия, созандагию бунёдкорӣ ва фаъолияти минбаъдаи донишгоҳ маълумот дод.
Бояд гуфт, ки китобхонаи донишгоҳ пурра навсозӣ шуда, бо тарҳи нав ва таҷҳизоти нави муосир ҷиҳозонида шудааст. Дар китобхона хизматрасонии нав- дастрасии озоди китоб амалӣ гардидааст.
Таъкид шуд, ки имрӯз таваҷҷуҳи беандозаи Пешвои миллат ба рушду тараққиёти Вилояти Мухтори Кӯҳистони Бадахшон баръало ба мушоҳида мерасад. Ҳоло дар вилоят садҳо иншооту корхонаҳои муосир мавриди истифода қарор дода шудаанд. Ин нишони он аст, ки шароити зиндагӣ ва инфрасохтори минтақа боз ҳам беҳтар мегардад.
Имрӯзҳо таҳти роҳбарии хирадмандонаи Пешвои миллат муҳтарам Эмомалӣ Раҳмон тамоми соҳаҳои вилоят рушди бемайлон касб намуда, пешравиҳои зиёд ба назар мерасанд. Истифодаи оқилонаи замин ва афзун намудани истеҳсоли маҳсулоти кишоварзӣ дар вилоят ҳамеша мавриди назар қарор дорад. Бо пешрафти соҳаҳои иқтисод ва кишоварзӣ зиндагии мардуми вилоят боз ҳам беҳтар мегардад.
АКС: Донишгоҳи давлатии Хоруғ ба номи М.Назаршоев
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
