Муовини Сарвазири Тоҷикистон бо ҷараёни зимистонгузаронӣ дар муассисаҳои соҳаи маориф, тандурустӣ ва фарҳанги шаҳри Хуҷанд шинос шуд
ДУШАНБЕ, 09.12.2024 /АМИТ «Ховар»/. Муовини Сарвазири Ҷумҳурии Тоҷикистон Дилрабо Мансурӣ бо ҷараёни зимистонгузаронӣ дар муассисаҳои соҳаи маориф, тандурустӣ ва фарҳанги шаҳри Хуҷанд шинос шуд, хабар медиҳад АМИТ «Ховар».
Зимни шиносоӣ бо муассисаҳои таҳсилоти миёнаи умумии рақамҳои 28, 12 ва Гимназияи №4 маълум гардид, ки зимистонгузаронӣ дар ҳолати хуб буда, ҳама биноҳо ба тариқи шабакаҳои гармидиҳии марказонида бо гази табиӣ, ангиштсанг ва ҳезум гарм карда мешаванд.
Барои гузаронидани зимистони солҳои 2024- 2025 дар муассисаҳои таълимии вилоят 16 ҳазору 911 тонна ангишт, 8 ҳазору 185,9 метри мукааб ҳезум ва 6 тоннаю 345 литр сӯзишвории нафтӣ захира шудааст.
Дар беморхона, таваллудхонаи вилоятӣ ва беморхонаи №1-и шаҳри Хуҷанд зимни шиносоӣ иттилоъ дода шуд, ки дар муассисаҳои соҳаи нигаҳдории тандурустии вилоят соли равон 598 тонна ангишт, 171 метри кубӣ ҳезум ва 739 литр сӯзишвории дизелӣ барои кори генераторҳо захира карда шудааст. Ҳоло дар ин муассисаҳо 192 генератори барқӣ, 154 дегхона, 2052 печкаи барқӣ ва 1431 печи аловӣ самаранок истифода мешаванд.
Муовини Сарвазири мамлакат бо қабулгоҳ, шуъбаи эҳё ва толори зоишгоҳи таваллудхонаи вилоятӣ ба номи Ӯғулой Шамсиддинова, ҳуҷраҳои ташхиси муоинаи томографии магниторезонансӣ, рентгени рақамӣ ва фаросавтӣ, ошхона ва анборхонаи Беморхонаи клиникавии вилоятӣ, ҳуҷраҳои табобатии беморхонаи шаҳрии рақами 1 шинос шуд. Масъулини соҳа вазифадор шуданд, ки фаъолияти дастҷамъонаро тақвият бахшида, дар доираи дастуру супоришҳои Ҳукумати Ҷумҳурии Тоҷикистон ба хотири ҳарчи хубтар фароҳам овардани шароити мусоид барои табобати мизоҷон имконоти мавҷударо самаранок истифода баранд.
Дар Мактаби санъати ба номи Лоиқ Шералӣ муовини Сарвазири Тоҷикистон бо ҷараёни машғулият шинос шуд. Маълум гардид, ки дар муассиса ба 556 нафар хонанда 67 омӯзгор дарс мегузарад. Ҳавои ҳуҷраҳои дарсӣ ба гузаронидани машғулият мутобиқ буда, дар муассиса барои зимистонгузаронӣ тадбирҳои зарурӣ андешида шудааст.
АКС аз манбаъҳои боз
Даври ҷумҳуриявии озмуни «Мураббии сол — Тоҷикистон-2026» оғоз гардид
Эмомалӣ Раҳмон: «Муассисаи таълимии №6-и шаҳри Хоруғ ба номи шодравон Алишери Мирзонабот гузошта шавад»
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бинои нави муассисаи таҳсилоти миёнаи умумии №6-ро мавриди истифода қарор доданд
Солҳои охир теъдоди муассисаҳои таълимӣ дар Бадахшон ба таври бесобиқа афзоиш ёфтааст
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
