Омӯзгорони Донишгоҳи байналмилалии сайёҳӣ ва соҳибкории Тоҷикистон ва Донишгоҳи Линии Чин табодули таҷриба менамоянд
ДУШАНБЕ, 17.12.2024. /АМИТ «Ховар»/. Дар Донишгоҳи байналмилалии сайёҳӣ ва соҳибкории Тоҷикистон аз 10 то 16 декабр аз ҷониби омӯзгорони Донишгоҳи Линии Ҷумҳурии Мардумии Чин аз рӯйи самтҳои «Иқтисоди фаъолияти гумрукӣ» ва «Низоми автоматикунонӣ» барои донишҷӯён машғулият гузаронида шуд. Дар ин хусус ба АМИТ «Ховар» дар Донишгоҳи байналмилалии сайёҳӣ ва соҳибкории Тоҷикистон иттилоъ доданд.
Ин машғулият тибқи созишномаи ҳамкорӣ байни Донишгоҳи байналмилалии сайёҳӣ ва соҳибкории Тоҷикистон ва Донишгоҳи Линии Ҷумҳурии Мардумии Чин баргузор гардид. Созишномаи ҳамкорӣ байни муассисаҳо моҳи ноябри соли 2024 ба имзо расид.
Барои татбиқи амалии муқаррароти ин созишнома омӯзгорони дорои дараҷаи баланди касбии Донишгоҳи Линии Ҷумҳурии Мардумии Чин ба Донишгоҳи байналмилалии сайёҳӣ ва соҳибкории Тоҷикистон омада, аз рӯйи самтҳои «Иқтисоди фаъолияти гумрукӣ» ва «Низоми автоматикунонӣ» машғулият доир намуданд.
Дар раванди фаъолият вохӯрии омӯзгорони хориҷӣ бо мудирони кафедраҳо ва мутахассисони ин равияҳо ташкил шуда, барои таҳияи барномаҳои таҳсилии муштарак ва табодули таҷриба гуфтушунид доир гардид.
Дар интиҳои машғулият ба омӯзгорони Чин барои ҳамкории судманд шаҳодатнома оид ба фаъолияти академӣ супорида шуд.
Дар доираи созишномаи ҳамкорӣ байни донишгоҳҳои ду давлат омӯзгорон ба муассисаҳои якдигар рафта, табодули таҷриба менамоянд.
АКС: Донишгоҳи байналмилалии сайёҳӣ ва соҳибкории Тоҷикистон
Дар шаш моҳ беш аз 199 ҳазор сайёҳ маконҳои таърихӣ-фарҳангии шаҳри Кӯлобро тамошо намуданд
Аз водии Рашт то Искандаркӯл: мақомоти шаҳри Душанбе бо ташкили хатсайрҳои сайёҳӣ рушди сайёҳии дохилиро тақвият мебахшад
Беш аз 20 намуди сайёҳӣ дар Тоҷикистон рушд дода мешавад
Таваҷҷуҳи сайёҳон ба мавзеъҳои таърихии вилояти Хатлон бештар гардидааст
НИШАСТИ МАТБУОТӢ. Дар нимсолаи якуми соли 2026 ба Тоҷикистон 889,4 ҳазор сайёҳи хориҷӣ омадааст
НИШАСТИ МАТБУОТӢ. Донишгоҳи байналмилалии сайёҳӣ ва соҳибкории Тоҷикистон ҳамоҳангсози миллии раддабандии байналмилалии «Донишгоҳҳои сабз» интихоб гардид
Дар комплекси сайёҳии Шаҳристон — эко резорт ба масофаи зиёда аз 5 километр таноброҳ сохта мешавад
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон бо лоиҳаи сармоягузорӣ барои бунёди комплекси сайёҳии Шаҳристон — эко резорт шинос шуданд
Душанбе мизбони DITE-2026 ва Форуми байналмилалӣ оид ба сайёҳии устувор мегардад
Имкониятҳои сайёҳӣ ва ҳунарҳои миллии Тоҷикистон дар Ҳафтаи фарҳангии «Ҷянсу – Осиёи Марказӣ 2026» муаррифӣ карда шуд
Дар Деҳкадаи сайёҳии ноҳияи Ховалинг 20 сокини маҳаллӣ бо ҷои кори доимӣ таъмин гардиданд
РУШДИ САЙЁҲӢ. Дар Тоҷикистон барои рушди беш аз 20 намуди сайёҳӣ шароити мусоид фароҳам оварда шудааст
