Паҳлавонони тоҷик дар мусобиқаи Russian judo tour соҳиби як медали тилло ва як медали нуқра гардиданд
ДУШАНБЕ, 23.12.2024 /АМИТ «Ховар»/. 21-22 декабр дар Федератсияи Русия мусобиқаи Russian judo tour баргузор гардид, ки дар он шаш паҳлавони Ҷумҳурии Тоҷикистон фаъолона иштирок намуда, соҳиби як медали тилло ва як медали нуқра гардиданд. Дар ин хусус ба шореҳи варзиши АМИТ «Ховар» муовини Раиси Федератсияи ҷудои Тоҷикистон Эргаш Маҳмадбеков хабар дод.
Паҳлавони шинохтаи тоҷик Эмомалӣ Нуралӣ дар вазни то 66 кг дар ин мусобиқа соҳиби медали тилло гардид. Хотиррасон менамоем, ки дар рӯзи якуми мусобиқаи «Russian Judo Tour» Эмомалӣ Нуралӣ бо мағлуб кардани Бетал Чегемов аз Русия, Ербол Аббасбеков аз Қирғизистон, Дилшодбек Баротов аз Узбекистан ба финал баромад. Дар финали мусобиқа Эмомалӣ Нуралӣ бар Муҳриддин Тиловов аз Узбекистан ғолиб омада, соҳиби медали тилло шуд.
Дар рӯзи дуюми мусобиқаи «Russian Judo Tour» паҳлавони тоҷик Кароматулло Ҳакимов дар вазни то 100 кг ҳунар ва маҳорати арзанда нишон дода, бо мағлуб кардани Адам Сангариев аз Русия ва Игор Долганов аз Русия ба финал баромад. Дар финал Кароматулло Ҳакимов аз Денис Коротаев аз Русия шикаст хӯрда, соҳиби медали нуқра гардид.
Ёдовар мешавем, ки дар ин мусобиқаи сатҳи баланд варзишгарони дигари тоҷик Муҳаммадсолеҳ Қувватов дар вазни то 60кг, Муҳиддин Асадуллоев ва Муҳаммадин Лоиқов дар вазни то 73 кг ва Ҷаҳонгир Маҷидов дар вазни то 100 кг бо ҳарифшонашон рақобат карда, пас аз як ё ду пирӯзӣ аз дигар варзишгарон мағлуб гардида, мусобиқаи «Russian Judo Tour»-ро бе медал анҷом доданд.
АКС аз манбаъҳои боз
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
