Аз байн бурдани коррупсия омили пешрафти ҳар давлат аст
ХОРУҒ, 10.01.2025 /АМИТ «Ховар»/. Ба Рӯзи кормандони мақомоти назорати давлатии молиявӣ ва мубориза бо коррупсия Ҷумҳурии Тоҷикистон дар Раёсати Агентии назорати давлатии молиявӣ ва мубориза бо коррупсия дар Вилояти Мухтори Кӯҳистони Бадахшон ҷамъомад баргузор гардид.
Сардори Раёсати Агентии назорати давлатии молиявӣ ва мубориза бо коррупсия дар Вилояти Мухтори Кӯҳистони Бадахшон Олимҷон Маҳмуродзода ба мухбири минтақавии АМИТ «Ховар» Файз Мирасан иброз дошт, ки «коррупсия яке аз зуҳуроти хатарноки ҷомеа буда, дар миқёси ҷаҳон ҳамчун ҷинояти вазнин ва яке аз унсурҳои таҳдидкунанда ба амнияти миллӣ ва халалдоркунандаи рушди босуботи иҷтимоию иқтисодии давлат эътироф шудааст. Дар ин хусус дар Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ 26 январи соли 2021 таъкид гардида буд, ки коррупсия зуҳуроти номатлуб ва барои ҷомеа хатарнок ба ҳисоб рафта, мубориза бар зидди он вазифаи асосии мақомоти давлатӣ, ниҳодаҳои ҷомеаи шаҳрвандӣ ва ҳар сокини ҷумҳурӣ мебошад».
Олимҷон Маҳмуродзода таъкид намуд, ки дар тамоми давраи рушди тамаддуни башарӣ коррупсия ҳамчун зуҳуроти номатлуби иҷтимоӣ садди роҳи инкишофи иқтисодиёт ва ҷомеа гашта, суботу оромиро халалдор ва боварии мардумро ба мақомоти давлатӣ коста мегардонад. Ҷумҳурии Тоҷикистон бо ба даст овардани истиқлоли давлатӣ ва ташаббусҳои созандаи Пешвои миллат қадамҳои устувори худро дар самти мубориза бо коррупсия гузошта, тамоми заминаҳои ташкилию ҳуқуқиро фароҳам овардааст.
Дар айни замон дар миқёси ҷумҳурӣ барои ба вуҷуд овардани фазои умумии тоқатнопазирӣ нисбат ба коррупсия, баланд бардоштани савияи дониши ҳуқуқии зиддикоррупсионӣ дар байни аҳолӣ корҳои тарғиботию ташвиқотӣ гузаронида мешаванд. Фаромӯш набояд кард, ки мубориза бо ин аъмоли зишт на танҳо вазифаи мақомоти ҳифзи ҳуқуқ, балки кулли ҷомеа ва ҳар шаҳрванд аст. Танҳо ба ин васила мо метавонем, ки дар ҷумҳурии худ сатҳи ин зуҳуроти номатлубро коҳиш диҳем.
Дар маҷлиси тантанавӣ ба як гурӯҳ кормандон раёсат рутбаҳои навбатӣ ва туҳфаҳои хотиравӣ тақдим шуданд.
АКС: АМИТ «АМИТ «Ховар»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Имрӯз дар баъзе ноҳияҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
Дар ноҳияи Айнӣ кишти помидор бо усули обёрии қатрагӣ ба роҳ монда мешавад
Дар ноҳияи Шуғнон дар масоҳати 10 гектар боғи нави дарахтони себу зардолу бунёд гардид
«МегаФон Life»: сармоягузориро мустақиман тариқи смартфон анҷом диҳед
Дар Донишгоҳи байналмилалии сайёҳӣ ва соҳибкорӣ масъалаи баланд бардоштани сифати корҳои илмӣ-тадқиқотӣ баррасӣ гардид
Имрӯз дар баъзе минтақаҳои Тоҷикистон борони кӯтоҳмуддат меборад
Донишҷӯи тоҷик дар чорабинии байналмилалии UNESCO × Nestlé Global Youth Grant Scheme иштирок менамояд
