Бар асари тӯфони барфӣ қариб 32 ҳазор оила дар Лаҳистон бе неруи барқ монданд

ДУШАНБЕ, 13.01.2025 /АМИТ «Ховар»/. Бар асари тӯфони барфӣ қариб 32 ҳазор оила дар тамоми Лаҳистон, асосан дар воҳидҳои маъмурии шимолӣ бе неруи барқ монданд. Дар ин хусус рӯзи якшанбе радиои Лаҳистон хабар додааст, иттилоъ медиҳад АМИТ «Ховар» бо истинод ба «Синхуа».

Шуруъ аз 9 январ маъмурони сӯхторнишонӣ дар саросари кишвар тақрибан ба 1000 занги марбут ба ҳавои номусоид, аз ҷумла афтидани шохҳои шикастаи дарахтон ва канда шудани хатҳои барқ вокуниш нишон доданд. Ба иттилои масъули Маркази амнияти давлатӣ, гурӯҳҳои таъҷилӣ барои барқарор намудани интиқоли неруи барқ фаъолона кор мекунанд.

Тибқи пешгӯиҳо, барфрезии шадид дар минтақаҳои шарқӣ, ҷанубӣ ва марказии давлат идома дошта, ҳамзамон дар ноҳияҳои кӯҳӣ миқдори зиёди бориш дар назар аст.

АКС аз бойгонӣ