Дар Душанбе ҷаласаи ҳамоҳангсозии сохторҳои қудратӣ ва мақомоти ҳифзи ҳуқуқ доир гардид
ДУШАНБЕ, 20.01.2025. /АМИТ «Ховар»/. Дар Вазорати мудофиаи Ҷумҳурии Тоҷикистон ҷаласаи ҳамоҳангсозии сохторҳои қудратӣ ва мақомоти ҳифзи ҳуқуқи мамлакат доир гардид, ки зимни он вобаста ба дастуру супоришҳои Сарфармондеҳи Олии Қувваҳои мусаллаҳи Ҷумҳурии Тоҷикистон муҳтарам Эмомалӣ Раҳмон дар самти таҳкиму тақвият бахшидани қудрати дифоии мамлакат сухан гуфта шуд. Дар ин хусус АМИТ «Ховар» бо истинод ба Вазорати мудофиаи Тоҷикистон хабар медиҳад.
Дар ҷаласа иброз гардид, ки дар шароити рӯзафзуни ҷаҳонишавӣ, авҷ гирифтани ҳар гуна зуҳуроту хатарҳои глобалӣ ва вазъи ноорому пешгӯйинашавандаи ҷаҳони муосир хизматчиёнии ҳарбии Қувваҳои мусаллаҳ ва кормандони сохторҳои қудратию мақомоти ҳифзи ҳуқуқи мамлакатро зарур аст, ки дар иҷрои вазифаҳои касбию хизматии хеш масъулияти баланд зоҳир намуда, чун ҳарвақта ҳушёру зирак бошанд ва бо ҳамкорию ҳамгироии муштарак дар таъмини амнияти давлату миллат, пойдории сулҳу субот ва ҳифзи марзу буми Ватан аз худ саҳми арзанда гузоранд.
Дар ҷаласа вобаста ба чорабиниҳои даъвати шаҳрвандон ба хизмати ҳарбӣ дар давраҳои пешбинигардидаи соли 2025 масъулини Ситоди генералии Қувваҳои мусаллаҳ иброз доштанд, ки мақомоти давлатии даъват ва дигар ниҳодҳои вобастаи ин чорабинии муҳими сиёсӣ-ҷамъиятиро зарур аст, ки фаъолияти комиссияҳои даъватиро дар асоси талаботи дастуру супоришҳои Президенти Тоҷикистон ва қонунҳои амалкунандаи соҳа амалӣ намуда, барои боз ҳам беҳтар ва сифатан хуб гузаронидани чорабиниҳои даъватӣ муносибати ҷиддӣ зоҳир намоянд.
Зимни баррасии масъалаҳо дар самти ҷамъомадҳои мудофиаи ҳудудӣ ва омодагии захираҳои сафарбарӣ ҳамоҳангии сохторҳои марбута дар таъмин ва омӯзиши ҳаматарафаи ин захираҳо муҳиму зарурӣ арзёбӣ гардид.
АКС: Вазорати мудофиаи Ҷумҳурии Тоҷикистон
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
