Дар Душанбе оид ба интихобот машварати омӯзишӣ доир гардид
ДУШАНБЕ, 28.01.2025. /АМИТ «Ховар»/. Имрӯз дар шаҳри Душанбе бо ибтикори Кумитаи Иҷроияи Ҳизби Халқии Демократии Тоҷикистон дар мавзуи «Иштироки ҲХДТ дар интихоботи Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ» машварати омӯзишӣ баргузор гардид. Дар ин хусус ба АМИТ «Ховар» аз Кумитаи Иҷроияи Ҳизби Халқии Демократии Тоҷикистон хабар доданд.
Муовини якуми Раиси Ҳизби Халқии Демократии Тоҷикистон Маликшо Неъматзода оид ба баргузор намудани ин чорабинии муҳимми сиёсӣ, ки аз ҳар шаҳрванди мамлакат масъулияти бузург ва зиракии сиёсӣ талаб менамояд, сухан гуфт.
Директори Маркази миллии қонунгузории назди Президенти Ҷумҳурии Тоҷикистон Изатулло Саидзода иброз дошт, ки мутобиқи қонунгузории амалкунандаи Ҷумҳурии Тоҷикистон дар раванди интихобот ҳама ҳизбҳои сиёсии амалкунанда ҳуқуқҳои баробар дошта, дар интихобот метавонанд фаъолона иштирок намоянд.
Таъкид шуд, ки ҷомеаи мутамаддинро бе раванди интихоботи демократӣ тасаввур кардан ғайриимкон аст. Интихобот дар низоми демократӣ яке аз муҳимтарин падидае аст, ки ифодаи ирода ва иштироки бевоситаи халқро дар идора кардани давлат таъмин менамояд.
Иштирокчиён иброз намуданд, ки қонунгузории Ҷумҳурии Тоҷикистон доир ба иштироки Воситаҳои ахбори омма дар давраи интихобот меъёрҳои мушаххас муқаррар кардааст. Ҳар меъёри муқарраршуда ба шаффоф, озод ва ошкоро гузаронидани интихобот равона гардидааст. Аз ин лиҳоз мебояд ҳар намояндаи воситаҳои ахбори омма бо масъулияти баланди касбӣ ва ватандӯстӣ ба интихобот муносибат намояд.
Муовини якуми Раиси Ҳизби Халқии Демократии Тоҷикистон Маликшо Неъматзода таъкид намуд, ки ҳар нафар ва ҳар ниҳоде, ки дар интихоботи дарпешистода масъул мебошад, бояд қонунҳои амалкунанда ва дастуру супоришҳои роҳбарияти Ҳизби Халқии Демократии Тоҷикистонро пурра мавриди амал қарор дода, дар шаффоф ва озоду демократӣ гузаштани он саҳм гузорад.
АКС: Кумитаи Иҷроияи Ҳизби Халқии Демократии Тоҷикистон
Таҷрибаи ислоҳоти ҳуқуқии Тоҷикистон дар Форуми байналмилалӣ муаррифӣ карда шуд
Озмуни ҷумҳуриявии «Беҳтарин хизматчии давлатӣ аз ҳисоби занон» ҷамъбаст гардид
Дар Тоҷикистон кадом навъи бемории зуком хуруҷ намудааст?
Муовини Сарвазири Тоҷикистон дар конференсияи байналмилалӣ оид ба нақши зан дар Туркманистон иштирок намуд
«ХУШДОМАНИ БЕҲТАРИН». Дар Бадахшон даври вилоятии озмун ҷамъбаст гардид
Бахшида ба 31-солагии Ҳизби Халқии Демократии Тоҷикистон дар Душанбе ҳамоиши тантанавӣ доир шуд
ЭҲТИЁТ — НИМИ ҲАЁТ! Ҳангоми гарм кардани хонаҳо бо ангишт қоидаҳои истифодаи онро риоя намоед
РӮЗИ БАЙНАЛМИЛАЛИИ ҲУҚУҚИ ИНСОН. Стратегияи миллии Ҷумҳурии Тоҷикистон дар соҳаи ҳифзи ҳуқуқи инсон ба ҳимояи ҳуқуқ ва озодиҳо равона шудааст
Форум оид ба натиҷаҳо ва устувории «Барномаи рушди тандурустӣ барои солҳои 2021-2025» доир карда шуд
Ба ифтихори Рӯзи таъсиси Ҳизби Халқии Демократии Тоҷикистон дар Рашт ҳамоиши тантанавӣ баргузор шуд
ҲИЗБИ ХАЛҚИИ ДЕМОКРАТИИ ТОҶИКИСТОН — АМАЛИСОЗАНДАИ ОРМОНҲОИ ХАЛҚ. Аз таъсиси он 31 сол сипарӣ гардид
ҲУҚУҚУ ОЗОДИҲОИ ИНСОН — АРЗИШИ ОЛӢ. Бардошт аз ҳамоиш бахшида ба Рӯзи ҳуқуқи инсон
