Дар Минтақаи озоди иқтисодии «Данғара» корхонаи истеҳсоли кошин сохта мешавад
ДУШАНБЕ, 06.01.2025 /АМИТ «Ховар»/. Дар Минтақаи озоди иқтисодии «Данғара» корхонаи истеҳсоли маҳсулоти сохтмонӣ-ороишӣ (кошин) бунёд мешавад, иттилоъ медиҳад АМИТ «Ховар» бо истинод ба хадамоти матбуоти Раиси вилояти Хатлон.
Чанде пеш вакилони палатаи поёнии Парлумони Тоҷикистон Созишномаи сармоягузорӣ байни Ҳукумати Ҷумҳурии Тоҷикистон ва Ширкати «Tilemaster investment Limited» -ро ба тасвиб расонданд.
Ҳадафи татбиқи ин санад ҷалби сармоягузории мустақими хориҷӣ барои истеҳсоли маҳсулоти нави воридотивазкунанда, ташкили ҷойҳои нави кор ва татбиқи ҳадафҳои стратегии мамлакат дар самти саноатикунонии босуръати мамлакат мебошад.
Тибқи созишнома, ҳаҷми умумии сармоягузорӣ барои татбиқи ин лоиҳа беш аз 50 миллион доллари амрикоиро ташкил дода, муҳлати сохтмони корхона якуним сол аст. Иқтидори истеҳсолиаш 12 миллиону 360 ҳазор метри мураббаъ кошин дар як сол мебошад.
Ҳангоми ба фаъолияти истеҳсолӣ оғоз намудани корхона зиёда аз 500 ҷойи кори доимӣ ва 1000 ҷойи кори ғайримустақим (сохтмон, таъминоти ашёи хом ва боркашонии маҳсулоти ниҳоӣ) таъсис дода мешавад. Дар марҳилаи аввал на кам аз 80 фоизи коргаронро шаҳрвандони Ҷумҳурии Тоҷикистон ташкил медиҳанд.
АКС аз манбаъҳои боз
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Сарвари давлат Эмомалӣ Раҳмон дар шаҳри Душанбе ба фаъолияти истеҳсолии ҶДММ «Шаҳдоб» оғоз бахшиданд
Президенти Ҷумҳурии Тоҷикистон Эмомалӣ Раҳмон дар шаҳри Душанбе корхонаи масолеҳи сохтмонии ҶДММ «Эко Блок»-ро мавриди баҳрабардорӣ қарор доданд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
