Дар натиҷаи заминларза дар Ситсзан дар ҷанубу ғарби Чин 126 нафар ҳалок гардид
ДУШАНБЕ, 08.01.2025 /АМИТ «Ховар»/. Дар натиҷаи заминларза бо шиддати 6,8 дараҷа, ки субҳи рӯзи сешанбе дар ноҳияи мухтори Ситсзан дар ҷанубу ғарби Чин рух дод, 126 нафар ҳалок, 188 нафар захмӣ ва ҳазорон хонаҳои деҳот дар нишебии шимолии Ҳимолой тахриб шудаанд, хабар медиҳад АМИТ «Ховар» бо истинод ба «Синхуа».
Заминларза соати 09:05 ба вақти Пекин дар шаҳраки Тсого, музофоти Динжи (Тингри)-и ҳавзаи шаҳрии Шигатзе ба амал омад. Дар масофаи 20 километр аз маркази заминларза 27 деҳа ҷойгир аст, ки дар онҳо ҳудуди 6900 нафар зиндагӣ мекунанд.
Тавре мақомоти Шигатзе иттилоъ доданд, тибқи маълумоти пешакӣ, 3609 хона фурӯ рехта, 407 нафари зери харобаҳомонда наҷот дода шуданд ва беш аз 30 ҳазор нафар ба ҷойҳои амн кӯчонида шуданд.
Ҷустуҷӯи онҳое, ки зери харобаҳо мондаанд, идома дорад. Наҷотдиҳандагон саъй доранд, ки ҳарчӣ зудтар барои кӯчонидашудагон хайма гузоранд, зеро тибқи пешгӯиҳо, ҳаво дар ин минтақа то 17 дараҷа сард мешавад.
АКС: «Синхуа»
ТАЪСИРИ ШАБАКАҲОИ ИҶТИМОӢ БА РУҲИЯИ КӮДАКОН. Ва ё «оҳанро дар гармияш бояд кӯфт»
Соли 2025 шаҳрвандон ва соҳибкорон беш аз 6 миллион амалиёти ғайринақдиро анҷом доданд
Имрӯз дар Тоҷикистон ҳаво тағйирёбандаи бебориш мешавад
ҒИЗОИ СОЛИМ. Чӣ тавр аз лӯбиё таом ва ё хӯриш омода намоем?
Имрӯз дар Тоҷикистон ҳавои тағйирёбандаи бебориш дар назар аст
ФУТБОЛ. Дастаҳои асосӣ ва ҷавонони «Вахш» бо медалҳои нуқра ва биринҷӣ мукофотонида шуданд
Имрӯз дар Тоҷикистон борон меборад
ҶАМЪБАСТИ НИШАСТҲОИ МАТБУОТӢ. Имрӯз дар якчанд вазорату идора нишасти матбуотӣ баргузор мегардад
Тарофаи мобилӣ – мувофиқи талаботи шахсии шумо
Имрӯз дар ноҳияҳои кӯҳии Тоҷикистон бориши борон ва барф дар назар аст
