Дар шаҳри Банфи Канада чорабинии сатҳи баланд оид ба Соли байналмилалии ҳифзи пиряхҳо доир гардид
ДУШАНБЕ, 29.01.2025 /АМИТ «Ховар»/. Дар шаҳри Банфи Канада чорабинии сатҳи баланд оид ба таҷлили оғози Соли байналмилалии ҳифзи пиряхҳо баргузор гардид, ки дар он паёми маҷозии Намояндаи доимии Тоҷикистон дар Созмони Милали Муттаҳид Ҷонибек Ҳикмат пешниҳод шуд.
Тавре АМИТ «Ховар» бо истинод ба Намояндагии доимии Тоҷикистон дар Созмони Милали Муттаҳид хабар медиҳад, чорабинӣ аз тарафи Донишкадаи Созмони Милали Муттаҳид оид ба об, муҳити зист ва тандурустӣ ва дар ҳамкорӣ бо барномаи Ташаббуси Канада оид ба дастгирии Соли байналмилалии пиряхҳо, Осорхонаи кӯҳҳои Рокки ба номи Уайт ва ташкилоти таҳқиқотии «Посдории пиряхҳо» баргузор карда шуд. Дар он намояндагони ниҳодҳои давлатӣ, созмонҳои байналмилалию минтақавӣ ва воситаҳои ахбори омма иштирок доштанд.
Намояндаи доимии Тоҷикистон ба зарурати андешидани тадбирҳои фаврӣ дар робита ба обшавии босуръати пиряхҳо дар саросари ҷаҳон таъкид карда, бо ишора ба маълумоти гузоришҳои созмонҳои байналмилалӣ аз таъсирҳои харобиовари аз даст додани пиряхҳо дар минтақаҳои гуногун, аз ҷумла Ҳимолой, Аврупо, Осиёи Марказӣ ва Канада ёдрас шуд.
Инчунин таваҷҷуҳи иштирокдорон ба нақши Тоҷикистон дар раванди қабул ва татбиқи қатъномаҳои Маҷмаи Умумии Созмони Милали Муттаҳид оид ба Соли байналмилалии ҳифзи пиряхҳо эълон намудани соли 2025 ва Даҳсолаи илмҳои криосферӣ барои солҳои 2025–2034 ҷалб гардида, барои иштирок дар Конфронси байналмилалии сатҳи баланд оид ба ҳифзи пиряхҳо (29-31 майи 2025, Душанбе) даъват шуданд.
Намояндаи доимии Тоҷикистон дар анҷоми суханронӣ аз иштирокдорон даъват намуд, ки раванди татбиқи ташаббусҳоро дастгирӣ намоянд ва барои талошҳои муштарак дар ҳифзи пиряхҳо ба хотири наслҳои оянда саҳми арзанда гузоранд.
Дар ҳошияи таҷлили Соли байналмилалии ҳифзи пиряхҳо намоишгоҳҳои бошукуҳи аксҳо баргузор гардиданд. Тавассути онҳо зебоии пиряхҳо ва табдили нигаронкунандаи онҳо, ки дар натиҷаи тағйирёбии иқлим ба вуҷуд омадаанд, намоиш дода шуд.
АКС: Намояндагии доимии Тоҷикистон дар Созмони Милали Муттаҳид
Таҳкими ҳамкории Тоҷикистон ва Арабистони Саудӣ дар самти ҳифзи ҳуқуқи инсон баррасӣ шуд
Сафири Тоҷикистон бо Вазири нафти Давлати Кувайт мулоқот намуд
Дар Донишгоҳи давлатии Хоруғ оид ба тағйирёбии иқлим ва пешгирии обшавии пиряхҳо ҳамоиши илмӣ доир гардид
Сулаймон Зиёзода дар Муколамаи Рим оид ба масъалаҳои об-2025 мавқеи Тоҷикистонро дар самти истифодаи устувори захираҳои об таъкид намуд
Тоҷикистон барои рушди устувор ва иқтисоди «сабз» бо Комиссияи иқтисодии СММ ҳамкорӣ менамояд
Соли 2028 дар Тоҷикистон Конфронси Созмони Милали Муттаҳид оид ба захираҳои об баргузор мешавад
Тоҷикистон дар таҳкими ҳамкории сиёсӣ, иқтисодӣ ва башардӯстона дар доираи ИДМ саҳми назаррас дорад
Аҳмад ибни Муҳаммад Ас-Сайид: «Робитаҳои иқтисодии Тоҷикистону Қатар муҳим арзёбӣ мегарданд»
Қоҳир Расулзода бо Валиаҳди Салтанати Негери Сембилани Малайзия Шоҳзода Тунку Алӣ Ризауддин ибни Муҳри мулоқот намуд
Холид Ал-Фолеҳ: «Арабистони Саудӣ дар Тоҷикистон беш аз 14 лоиҳаро тавассути Фонди саудии рушд амалӣ намудааст»
Намояндаи Тоҷикистон дар Форум оид ба сиёсати бетарафӣ, зеҳни сунъӣ (AI) ва ояндаи рақамӣ иштирок намуд
Сафири Тоҷикистон дар Конгресси ҷаҳонӣ оид ба ҳифзи табиат дар Абу Забӣ иштирок намуд
