Дар Қувваҳои мусаллаҳи Тоҷикистон даври якуми таҳсил оғоз гардид
ДУШАНБЕ, 03.01.2025 /АМИТ «Ховар»/. Аз аввали моҳи январи соли 2025 дар Қувваҳои мусаллаҳи Ҷумҳурии Тоҷикистон даври якуми омӯзишӣ оғоз ёфт. Ба ин муносибат дар Вазорати мудофиаи Тоҷикистон, раёсатҳои навъи қӯшунҳои Қувваҳои мусаллаҳ, қисму воҳидҳои алоҳидаи низомӣ ва дар тамоми ҷузъу томи Артиши миллии ҷумҳурӣ ҷамъомаду машғулияти тантанавӣ баргузор гардиданд. Дар ин хусус ба АМИТ «Ховар» дар Вазорати мудофиаи мамлакат хабар доданд.
Тавре иттилоъ дода шуд, дар робита ба оғози даври якуми омӯзишӣ дар Вазорати мудофиаи Тоҷикистон ҳамоиш доир гардид. Зимни он сардори Ситоди генералии Қувваҳои мусаллаҳ-муовини якуми Вазири мудофиа Эмомалӣ Собирзода доир ба дастуру супоришҳои Сарфармондеҳи Олии Қувваҳои мусаллаҳ, генерали артиш муҳтарам Эмомалӣ Раҳмон, натиҷагирӣ аз даври дуюми омӯзишӣ ва ҳадафу моҳияти мавзуъҳои машғулияти даври якуми омӯзишӣ изҳори назар кард. Мавсуф аз хизматчиёни ҳарбии ҳама зинаҳо дар самти омӯзишу аз бар намудани таълимоти ин давр муносибати ҷиддӣ талаб намуд.
Бояд гуфт, ки вазъи ноустувору зудтағйийрёбандаи ҷаҳони муосир имрӯз аз ҳар хизматчии ҳарбӣ омодабошии доимии ҷангӣ, ҳушёриву зиракӣ ва масъулияти баланду муносибати ҷиддиро дар самти иҷрои вазифаю уҳдадориҳои хизматӣ тақозо мекунад. Зеро тақвият бахшидани тамоми самту соҳаҳои Қувваҳои мусаллаҳ ба баланд гардидани иқтидори мудофиавии мамлакат таъсири бевосита мерасонад.
Иттилоъ дода шуд, ки ба ҷамъомаду машғулияти даври якуми омӯзишӣ муовинони вазири мудофиа, фармондеҳони навъи қӯшунҳо, сардорон ва ҳайати шахсии раёсату шуъбаҳо ва хадамоти алоҳидаи дастгоҳи марказии Вазорати мудофиа, Ситоди генералии Қувваҳои мусаллаҳ, комиссарони ҳарбӣ, командирони қисмҳои низомӣ, афсарону сарбозон ва дар маҷмуъ хизматчиёни ҳарбии ҳама сатҳу зинаҳои Артиши миллӣ ҷалб карда мешаванд.
Ҳамасола дар Қувваҳои мусаллаҳи Ҷумҳурии Тоҷикистон ду даври омӯзишӣ пешбинӣ гардидааст, ки яке аввали моҳи январ оғоз гардида, то охири моҳи май идома меёбад. Даври дуюм аз якуми июл шуруъ гардида, дар даҳаи сеюми моҳи ноябр ҷамъбасту натиҷагирӣ карда мешавад. Ҷараёни машғулияти назариявӣ ва ҳам амалии ду даври омӯзишӣ таҳти назорати роҳбарияти Вазорати мудофиаи Тоҷикистон гузашта, зимни ҷамъбаст натиҷаи он таҳлилу баррасӣ ва ба сатҳи иҷрои талаботи таълимоти даврҳои таҳсил баҳо гузошта мешавад.
АКС: Вазорати мудофиаи Ҷумҳурии Тоҷикистон
Ҳайати Тоҷикистон дар амалиёти зерминтақавии зиддимухадиротии СААД дар вилояти Калинингради Русия иштирок намуд
Дар шоҳроҳи Душанбе — Кӯлоб — Хоруғ бар асари садамаи нақлиётӣ 11 нафар ба ҳалокат расид
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
ЧАРО ҲОЛАТҲОИ ҒАРҚШАВӢ КАМ НАМЕШАВАНД? Мутахассисон риояи қоидаҳои бехатариро омили асосии пешгирии ҳодисаҳои нохуш медонанд
Дар Вазорати мудофиа оид ба саҳми Артиши миллӣ дар таҳкими сулҳу субот ва Ваҳдати миллӣ ҳамоиш доир шуд
«Ҳифзи суботу оромии кишвар масъулияти ҳар як шаҳрванди ватандӯст мебошад», — бардошт аз ҳамоиш дар мақомоти милитсияи пойтахт
Дар Прокуратураи генералӣ бахшида Рӯзи Ваҳдати миллӣ ҷамъомади тантанавӣ баргузор шуд
НАШЪАМАНДӢ-ВАБОИ АСР. Саломатӣ ва озодиро интихоб намо, на вобастагиро!
Ҷаласаи Платформаи миллии Ҷумҳурии Тоҷикистон оид ба паст кардани хавфи офатҳои табиӣ дар соли 2026 баргузор гардид
Кормандони гумрук аз гардиши ғайриқонунӣ 4 қуттӣ маҳсулоти тамокуӣ дарёфт ва мусодира намуданд
Байни Агентии назорати маводи нашъаовари Тоҷикистон ва Вазорати корҳои дохилии Русия Созишномаи ҳамкорӣ ба имзо расид
Прокурори ҳарбии гарнизони Суғд: «Нақши Ваҳдати миллӣ дар рушди Қувваҳои Мусаллаҳ ва ҳифзи манфиатҳои миллӣ беназир аст»
