ДАСТОВАРДИ ТАБИБОНИ ТОҶИК. Бори аввал дар самти бемории рагҳои мағзи сар ҷарроҳӣ ба тариқи эндоскопӣ гузаронида шуд
ДУШАНБЕ, 04.01.2025 /АМИТ «Ховар»/. Табибони Маркази миллии тиббии Тоҷикистон «Шифобахш» дар ҳамкорӣ бо мутахассисони Маркази ташхисию табобатии «Дастаи Дил» дар самти бемориҳои рагҳои мағзи сар ба навгонӣ ноил гардиданд. Табибон як усули нави ҷарроҳиро дар самти бемориҳои рагҳои мағзи сар ба тариқи эндоскопӣ, яъне бе буриш анҷом дода, нуқсонҳои ҷойдоштаро бартараф намуданд. Дар ин хусус АМИТ «Ховар» бо истинод ба маркази матбуоти Вазорати тандурустӣ ва ҳифзи иҷтимоии аҳолӣ хабар медиҳад.
Дар амал ҷорӣ намудани усулҳои нави ташхису табобат яке аз самтҳои афзалиятноки соҳаи тандурустӣ ба шумор рафта, ин масъала зери таваҷҷуҳи хоссаи роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон қарор дорад.
Аз ҷониби табибони марказ ба як нафар бемори 16-сола, сокини ноҳияи Мир Сайид Алии Ҳамадонӣ, ки косахона ва майнаи сари ӯ ҳангоми афтодан осеби ҷиддӣ дида буд, ба тариқи эндоскопӣ, яъне бе буриш амалиёти ҷарроҳӣ гузаронида шуда, нуқсонҳои ҷойдоштаи беморӣ бартараф карда шуданд.
Чунин ҷарроҳӣ яке аз ҷарроҳиҳои мушкил ва мураккаби рагҳои калони мағзи сар ба ҳисоб рафта, ин гуна ҷарроҳӣ то кунун дар мамлакат гузаронида намешуд. Беморон ё ба кишварҳои хориҷӣ сафар мекарданд ва ё барои гузаронидани чунин ҷарроҳиҳо мутахассисон аз хориҷи мамлакат даъват карда мешуданд.
Хушбахтона, бо фароҳам гардидани дастгоҳу таҷҳизоти муосири тиббӣ табибони ватанӣ имконият пайдо намуданд, ки чунин амалиёти мураккаби ҷарроҳиро бори аввал дар ҷумҳурӣ бомуваффақият гузаронанд.
Дар амал ҷорӣ намудани боз як усули нави ҷарроҳӣ дар соҳаи тибби мамлакат аз таваҷҷуҳ ва дастгириҳои доимии роҳбарияти олии давлату Ҳукумати мамлакат, хосса Президенти Ҷумҳурии Тоҷикистон муҳтарам Эмомалӣ Раҳмон нисбат ба соҳаи тандурустӣ дарак медиҳад. Бо дастрас гардидани дастгоҳу таҷҳизоти муосир минбаъд низ дар ин марказ муосиртарин усулҳои нави ҷарроҳӣ аз ҷониби мутахассисони ватанӣ дар сатҳи баланд гузаронида мешаванд.
АКС: Маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Дар Ваколатдор оид ба ҳуқуқи инсон бахшида ба ташаббуси навбатии ҷаҳонии Тоҷикистон ҳамоиш баргузор гардид
Дар Тоҷикистон 15 телевизион ва 10 радиои давлатӣ, 16 телевизион ва 25 радиои хусусӣ фаъолият доранд
Бо риояи қоидаҳои одӣ худро аз таъсири гармӣ муҳофизат намоед
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
