ИНТИХОБОТИ ВАКИЛОНИ ХАЛҚ-2025. Дар ноҳияи Рӯдакӣ вохӯрии вакилон бо интихобкунандагон доир шуд

РӮДАКӢ, 31.01.2025 /АМИТ «Ховар»/. 29 январ дар Муассисаи таҳсилоти миёнаи умумии №7-и ноҳияи Рӯдакӣ вохӯрии номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи якмандатии интихоботии Сомонӣ,№8 ва номзадҳо ба вакилии Маҷлиси вакилони халқи ноҳияи Рӯдакӣ аз ҳавзаҳои интихоботии Мадад, №13, Чорс, №14, Оби шифо, №15 ва Баҳористон, №16 бо сокинони Ҷамоати деҳоти Чоргултеппа баргузор шуд. Дар ин хусус  ба хабарнигори минтақавии АМИТ «Ховар» Субҳониддини Маҳмуд  аз Мақомоти иҷроияи ҳокимияти давлатии  ноҳияи Рӯдакӣ иттилоъ доданд.

Мувофиқи  тартиби муқарраргардида, баъд аз муаррифии номзадҳо аз ҷониби шахсони боэътимод Камолзода Илҳом Икром, Ҳалимов Аҳлиддин Маҳмудович ва Бобоева Сафура Юсуфҷоновна барномаҳои пешазинтихоботиашонро манзури ҳозирин гардониданд.

Ҳамчунин  раиси Кумитаи иҷроияи Ҳизби Халқии Демократии Тоҷикистон дар ноҳияи Рӯдакӣ Насимҷон Ҳомидзода доир ба нуктаҳои асосии Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ва амалисозии ҳадафҳои бунёдкоронаю созандаи Ҳизби Халқии Демократии Тоҷикистон, Барномаи пешазинтихоботии ҳизб ва номзадҳои пешбаринамуда изҳори андеша намуд.

Иштирокдорон даъват шуданд, ки дар интихобот фаъолона иштирок намуда, ба ҷонибдории номзади арзанда овоз диҳанд.

АКС: Мақомоти иҷроияи ҳокимияти давлатии ноҳияи Рӯдакӣ