НИШАСТИ МАТБУОТӢ. Дар се лоиҳаи давлатии сармоягузорӣ дар соҳаи роҳи Тоҷикистон корҳои сохтмонӣ ба маблағи 3,5 миллиард сомонӣ оғоз меёбанд
ДУШАНБЕ, 29.01.2025 /АМИТ «Ховар»/. Соли равон тибқи нақша корҳои сохтмонӣ бояд дар се лоиҳаи давлатии сармоягузорӣ дар соҳаи роҳ ба маблағи 3,5 миллиард сомонӣ, аз ҷумла 35 км роҳи Гулистон- Кӯлоб, 32,5 км роҳи Данғара-Гулистон ва 137 км роҳи Гулистон-Фархор-Панҷ-Дӯстӣ оғоз гарданд. Дар ин хусус 29 январ Вазири нақлиёти Тоҷикистон Азим Иброҳим дар ҷараёни нишасти матбуотӣ ба хабарнигорон иттилоъ дод.
Азим Иброҳим иброз дошт, ки ҳоло дар Тоҷикистон тавассути Вазорати нақлиёти мамлакат 13 лоиҳаи сармоягузорӣ ба маблағи 1,1 миллиард доллари амрикоӣ, аз ин 6 лоиҳа ба маблағи 669,9 миллион доллари амрикоӣ дар ҳоли татбиқ қарор дошта, 7 лоиҳаи дигар ба маблағи 468,3 миллион доллари амрикоӣ ба анҷом расида, дар давраи кафолатӣ қарор доранд.
Вазири нақлиёт афзуд, ки дар лоиҳаҳои роҳҳои автомобилгарди Обигарм–Нуробод, қитъаи 1 30,5 км, Обигарм–Нуробод, қитъаи- 2 40 км, Душанбе-Бохтар, қитъаи Қизилқалъа- Бохтар 9,2 км, «Устувории шабакаҳои роҳҳо- таҷдиди роҳи автомбилгарди Ҳулбук –Темурмалик –Кангурт 60 км ва Данғара –Лолазор 28,9 км таҷдид ва сохтмони роҳ тибқи нақша идома дорад. Инчунин сохтмони нақби «Истиқлол», марҳилаи 2, «Беҳтар намудани роҳҳои минтақавӣ дар Осиёи Марказӣ -БРАМОМ-4», сохтмони роҳи автомобилгарди Душанбе-Кулма, қитъаи Қалъаихумб-Ванҷ-сарҳади ноҳияи Рӯшон 93 км, таҷдиди роҳи автомобилгарди Гулистон-Фархор–Панҷ –Дӯстӣ, марҳилаи 1, Гулистон –Фархор 29,6 км, «Рушди иқтидорнокӣ ҷиҳати идоракунии нигоҳдории пулҳо дар Ҷумҳурии Тоҷикистон» бо маром идома доранд.
Марзия САИДЗОДА,
АМИТ «Ховар»
АКС: АМИТ «Ховар»
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
