Номзад ба вакилии Маҷлиси намояндагон аз ҳавзаи якмандатии Рашт,№12 пешбарӣ карда шуд

ДУШАНБЕ, 10.01.2025 /АМИТ «Ховар»/. Аз ҳавзаи интихоботии якмандатии Рашт, №12 аз Ҳизби Халқии Демократии Тоҷикистон /ҲХДТ/ номзадии  Файзалӣ Идизода ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардид, иттилоъ медиҳад АМИТ «Ховар» бо истинод ба Мақомоти иҷроияи ҳокимияти давлатии ноҳияи Рашт.

Дар маҷлиси Кумитаи иҷроияи Ҳизби Халқии Демократии Тоҷикистон /ҲХДТ/ дар ноҳияи Рашт  амалӣ намудани нуктаҳои Паёми Президенти Ҷумҳурии Тоҷикистон  муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии Ҷумҳурии Тоҷикистон», нақши Ҳизби Халқии Демократии Тоҷикистон дар густариши соҳаҳои иқтисодиёти мамлакат ва баланд бардоштани сатҳи некуаҳволии ҷомеа шарҳ дода шуд.

Ҳамзамон вазифаҳои ташкилоти ибтидоии ҳизбӣ барои тарғиб ва татбиқи нуктаҳои Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон баррасӣ гардиданд.

АКС: Мақомоти иҷроияи ҳокимияти давлатии ноҳияи Рашт