Рӯзи байналмилалии энергияи тоза. Тоҷикистон давлати пешсафи ҷаҳонӣ дар истеҳсоли энергияи таҷдидшаванда муаррифӣ шуд
ДУШАНБЕ, 25.01.2025 /АМИТ «Ховар»/. 23 январ Намояндаи доимии Тоҷикистон дар Созмони Милали Муттаҳид Ҷонибек Ҳикмат дар чорабинии махсус бахшида ба таҷлили Рӯзи байналмилалии энергияи таҷдидшаванда иштирок намуд, хабар медиҳад АМИТ «Ховар» бо истинод ба Намояндагии доимии Тоҷикистон дар Созмони Милали Муттаҳид.
Ҷонибек Ҳикмат мавқеи Тоҷикистонро ҳамчун давлати пешсафи ҷаҳонӣ дар истеҳсоли энергияи таҷдидшаванда муаррифӣ намуд ва таъкид кард, ки беш аз 98%-и барқи мамлакат аз манбаъҳои энергияи обӣ истеҳсол мешавад. Ҳамзамон дар бораи иқтидори энергияи таҷдидшаванда дар Тоҷикистон ва татбиқи лоиҳаҳои стратегии миллӣ, аз ҷумла Неругоҳи барқи обии «Роғун» ва хати интиқоли барқи CASA-1000, ки ба манфиати минтақаи Осиёи Марказӣ ва Ҷанубӣ равона гардидааст, маълумоти муфассал пешниҳод намуд.
Намояндаи доимии Тоҷикистон инчунин аҳаммияти вусъат додани сармоягузорӣ ба инфрасохтори энергияи «сабз», мубодилаи технологияҳо ва таҳкими иқтидори миллӣ барои таъмини рушди устувори энергияи таҷдидшавандаро таъкид намуд.
Зимни баромад нақши муҳими энергияи таҷдидшаванда дар ноил шудан ба Ҳадафи 7 рушди устувор (ҲРУ7) ва ҳалли мушкилоти вобаста ба тағйирёбии иқлим таъкид шуда, зарурати таҳкими ҳамкории байналмилалӣ барои таъмини дастрасии энергияи устувор, бахусус ҷомеаҳои осебпазир махсусан таъкид гардид.
АКС: Намояндагии доимии Тоҷикистон дар Созмони Милали Муттаҳид
Сафири Тоҷикистон бо Дабири кулли Вазорати федералии молияи Австрия мулоқот намуд
Ҷаласаи 26-уми Кумитаи роҳбарони воҳидҳои ҳифзи ҳуқуқи Шурои роҳбарони хадамотҳои гумруки давлатҳои иштирокдори ИДМ баргузор гардид
Дар Вашингтон масъалаи омодагӣ ба Форуми сеюми соҳибкории кишварҳои Осиёи Марказӣ ва Амрико баррасӣ гардид
Дар Минск ҷаласаи навбатии Шурои намояндагони ваколатдории доимии ИДМ баргузор гардид
Ҳамкории судманди Тоҷикистон ва Миср баррасӣ гардид
Дар Москва ба хотири гиромидошти Шоири халқии Тоҷикистон Лоиқ Шералӣ маҳфили адабӣ доир шуд
Вазоратҳои корҳои хориҷии Тоҷикистону Алҷазоир ҳамкориро дар самти бозомӯзии дипломатҳо тақвият мебахшанд
Ҳайати Тоҷикистон дар Конфронси байналмилалии шаҳрҳои дӯстии Чин – 2026 иштирок намуд
Дар Берлин ҳамкории тиҷоратию иқтисодии Тоҷикистон ва Олмон баррасӣ карда шуд
Дурнамои рушди ҳамкории Тоҷикистону сохторҳои Созмони Милали Муттаҳид баррасӣ гардид
Масъалаи иштироки ҳайати Тоҷикистон дар Конфронс оид ба тағйирёбии иқлим дар Анталия баррасӣ гардид
Маттео Патроне: «Бонки аврупоии таҷдид ва рушд дар Тоҷикистон лоиҳаҳои гуногунро дар соҳаи энергетика ва бахши хусусӣ амалӣ менамояд»
