ТАҚВИМИ АМИТ «ХОВАР»: имрӯз 14 январ, сешанбе, 14-умин рӯзи соли 2025 аст

Дар ин рӯзи соли 1972 аввалин маротиба дар Ҷумҳурии Тоҷикистон Иттиҳодияи пӯст ва пойафзоли Душанбе таъсис дода шуд.

***

14 январи соли 2010 дар мулоқоти Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо намояндаи махсуси Иттиҳоди Аврупо оид ба давлатҳои Осиёи Марказӣ Пер Морел  масоили ҳамкории гуногунҷанбаи Тоҷикистон бо сохторҳои Иттиҳоди Аврупо баррасӣ шуд.

***

12 сол пеш,  14 январи соли 2013 Президенти Ҷумҳурии Тоҷикистон муҳтарам Эмомалӣ Раҳмон ба Президенти вақти Ҷумҳурии Қирғизистон Алмазбек Атамбаев ба муносибати 20-солагии истиқрори муносибатҳои дипломатӣ байни ду мамлакат барқияи табрикӣ ирсол намуданд.

*** 

Дар ин рӯзи соли 2017 дар шаҳри Парижи Фаронса маросими имзои Баёнияи муштарак оид ба барқарор намудани муносибатҳои дипломатӣ байни Ҷумҳурии Тоҷикистон ва Шоҳигарии Монако (князигарӣ) баргузор гардид.

***

8 сол пеш, 14 январи соли 2017 дар  Театри давлатии академии опера ва балети ба номи С. Айнӣ консерти Оркестри асбоби мусиқии миллии вилояти Гуандуни Чин баргузор гардид.

***

14 январи соли 2020 филми  машҳури Рафаэл Перелштейн «Ман бо духтаре вохӯрдам», ки соли 1957 дар киностудияи «Тоҷикфилм» ба навор гирифта шудааст, дар доираи «Ҳафтаи синамои кишварҳои Созмони ҳамкории Шанхай» дар Узбекистон намоиш дода шуд.

*** 

Дар ин рӯзи соли 2021 АМИТ «Ховар» хабар дод, ки шуруъ аз 18 январ дар шаҳри Душанбе хатсайри нави троллейбусии №2 («Маҳаллаи Зарафшон — Фурудгоҳ»)  ба фаъолият оғоз менамояд. Дар хатсайри нав троллейбусҳо тавассути хиёбону кӯчаҳои Нусратулло Махсум, Исмоили Сомонӣ, Рудакӣ, Айнӣ ва Аҳмади Дониши пойтахт  ҳаракат менамоянд.

***

14 январи соли 2022 филми коргардони тоҷик Фирдавс Ниёзов таҳти унвони «Қатли рӯбоҳ» дар Фестивали байналмилалии Голливуд («Hollywood Gold Awards») сазовори ҷоизаи «Беҳтарин кори коргардонӣ» гардид.

14 ЯНВАР:

Дар Узбекистон — Рӯзи ҳимоятгарони Ватан.

***

Рӯзи ҷаҳонии мантиқ.