Таваҷҷуҳ! Насби таҷҳизоти махсуси рӯшноӣ ва садо дар мошинҳои шахсӣ хилофи қонун аст
ДУШАНБЕ, 18.01.2025 /АМИТ «Ховар»/. Раёсати Вазорати корҳои дохилии Ҷумҳурии Тоҷикистон дар шаҳри Душанбе аз манъи насби таҷҳизоти махсуси рӯшноӣ (мигалка) ва садо (сирена) дар нақлиёти шахсӣ ҳушдор дод. Дар ин хусус АМИТ «Ховар» бо истинод ба Вазорати нақлиёти Тоҷикистон иттилоъ медиҳад.
Дар ҳолати ошкор шудани қонуншиканиҳо на танҳо нисбат ба соҳибони воситаҳои нақлиёт, балки насбкунандагони ин дастгоҳҳо низ тадбирҳои зарурӣ андешида мешаванд.
Дар робита ба ин, кормандони милитсияи шаҳри Душанбе барои пешгирии истифодаи ғайриқонунии чароғҳо ва сиренаҳо дар мошинҳои хусусӣ санҷиш мегузаронанд.
Вазорати нақлиёти Тоҷикистон иттилоъ медиҳад, ки «насб ва истифодаи таҷҳизоти махсуси рӯшноӣ (мигалка) ва садо (сирена) дар мошинҳо танҳо барои воситаҳои нақлиёти махсус, аз ҷумла хадамоти ёрии таъҷилӣ, сӯхторнишонӣ, бонкҳо, Бозрасии давлатии автомобилӣ, дигар сохторҳои қудратӣ, ҳифзи ҳуқуқ ва тартибот ва ғайра иҷозат дода шудааст. Чунин таҷҳизотро ба мошинҳои хусусӣ насб кардан мумкин нест ва истифодаи он дар чунин ҳолатҳо хилофи қонун аст».
АКС аз манбаъҳои боз
Дар Агентии инноватсия ва технологияҳои рақамӣ оид ба тарғиби либоси миллӣ ҳамоиши фарҳангӣ доир шуд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Сафири Тоҷикистон дар Миср бо муовини раиси Иттифоқи журналистони африқоӣ-осиёӣ мулоқот кард
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Намояндагони Бонки Осиёии Рушд бо фаъолияти гузаргоҳи «Фотеҳобод — Ойбек» шинос шуданд
Дар Манама ҳамкории байнипарлумонии Тоҷикистону Баҳрайн баррасӣ гардиданд
Имрӯз даври сеюми Озмуни ҷумҳуриявии «Шоҳномахонӣ» оғоз гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Муассисаи давлатии «Тоҷикфилм» доир ба сарнавишти Борбади Марвазӣ филми ҳунарӣ ба навор мегирад
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
