Ваколатдор оид ба ҳуқуқи инсон барои баланд бардоштани маърифати ҳуқуқии шаҳрвандон 153 машварати сайёри ҳуқуқӣ гузаронид
ДУШАНБЕ, 29.01.2025. /АМИТ «Ховар»/. Намояндагиҳои Ваколатдор оид ба ҳуқуқи инсон дар Ҷумҳурии Тоҷикистон соли 2024 бо мақсади баланд бардоштани маърифати ҳуқуқии сокинони мамлакат 153 машварати сайёри ҳуқуқӣ гузарониданд, ки дар он беш аз 5 ҳазор шаҳрванд иштирок намуд. Дар ин хусус 27 январ Ваколатдор оид ба ҳуқуқи инсон Умед Бобозода зимни нишасти матбуотии ин ниҳод ба рӯзноманигорон хабар дод.
Ба иттилои Умед Бобозода, дар чорабиниҳо кормандони намояндагиҳо бо намояндагӣ аз Ваколатдор оид ба ҳуқуқи инсон паҳлуҳои мухталифи ҳуқуқу озодиҳои инсон ва шаҳрванд ва нақши мақомотро дар пешбурд, риоя ва ҳифзи ҳуқуқи инсон матраҳ намуданд.
Иттилоъ дода шуд, ки соли 2024 дар мақомоти Ваколатдор оид ба ҳуқуқи инсон 1730 муроҷиати шахсони воқеӣ ва ҳуқуқӣ сабт гардид. Ҳамзамон дар намояндагиҳои Ваколатдор оид ба ҳуқуқи инсон 1212 муроҷиат сабт шудааст, ки 118 адади онро муроҷиати хаттӣ ва 1094 ададро шифоҳӣ ташкил медиҳанд.
Дар нишаст баён гардид, ки бо мақсади мусоидат ба такмили қонунгузории Ҷумҳурии Тоҷикистон дар соҳаи ҳуқуқи инсон кормандони дастгоҳи марказии ваколатдор лоиҳаи 38 санади меъёрии ҳуқуқиро мавриди омӯзиш қарор дода, хулосаҳо пешниҳод намуданд.
Таъкид гардид, ки аз 1730 муроҷиати шахсони воқеӣ ва ҳуқуқии ба мақомоти Ваколатдор оид ба ҳуқуқи инсон воридшуда 71 адад ба таври мусбат ҳал гардид.
282 муроҷиати хаттии воридшуда бештар ба ҳуқуқ ба таъминоти иҷтимоӣ, ҳуқуқ ба муҳокимаи одилонаи судӣ, ҳуқуқ ба муроҷиат, ҳуқуқи инсон ва мақомоти ҳифзи ҳуқуқ, ҳуқуқ ба манзил ва ҳуқуқ ба саломатӣ рабт доранд.
Шаҳлои САДРИДДИН,
АМИТ «Ховар»
АКС: АМИТ «Ховар»
Оид ба низоми электронии дипломҳо машваратҳои омӯзишӣ баргузор шуданд
ТАВСИЯҲОИ МУФИД. Доир ба аҳамият ва тарзи тайёр намудани шарбату консерваҳо барои фасли зимистон
Доир ба татбиқи «Барномаи давлатии солимии репродуктивӣ барои солҳои 2023-2027» ҷаласа баргузор шуд
ОГОҲӢ! Аз 25 то 27 июл дар баъзе минтақаҳои Тоҷикистон сар задани сел пешгӯӣ мешавад
Кумаки Президенти Тоҷикистон ба сокинони аз офати табиӣ зарардидаи ноҳияи Рӯшон расид
Ҷаласаи Комиссияи сетарафаи танзими муносибатҳои иҷтимоию меҳнатӣ дар Ҷумҳурии Тоҷикистон баргузор шуд
Дар мақомоти Ваколатдор оид ба ҳуқуқи инсон доир ба қабули Қонуни Ҷумҳурии Тоҷикистон «Дар бораи авф» ҳамоиш баргузор шуд
Сокинони деҳаҳои аз офати табиӣ зарардидаи ноҳияи Рӯшон бо неруи барқ таъмин карда шуданд 
Беш аз 1500 нафар аз шаҳри Душанбе дар асоси иҷрои Қонуни Тоҷикистон «Дар бораи авф» ба озодӣ баромаданд
Дар ноҳияи Шаҳринав ҷаласаи навбатии Шурои ҷамъиятии Ҷумҳурии Тоҷикистон баргузор гардид
Дар беморхонаи марказии ноҳияи Дӯстӣ шуъбаи бемориҳои сироятӣ сохта мешавад
Дар Муъминобод барои дастгирии занони ҳунарманд Маркази «Чирадаст» таъсис дода шуд
