«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
ДУШАНБЕ, 23.02.2025 /АМИТ «Ховар»/. Бо мақсади эҳтиром ва арҷгузорӣ ба таъриху фарҳанги пурғановати миллати тамаддунофари тоҷик, суннатҳои ниёгон ва расму оинҳои миллӣ, тарғиби либоси миллӣ ҳамчун ҷузъи фарҳанг, таҷассумгари таърих, тамаддун ва ҳунари миллӣ, рамзи ҳувият ва оини миллӣ будани он, ҳамчунин бо мақсади ҳифзи арзишҳои миллӣ ва ба муносибати таҷлили Рӯзи Модар Шурои занони Раёсати Вазорати корҳои дохилӣ дар вилояти Хатлон озмуни «Беҳтарин расми модар ва духтар бо либоси миллӣ»-ро эълон менамояд. Дар ин хусус ба АМИТ «Ховар» дар Раёсати Вазорати корҳои дохилӣ дар вилояти Хатлон хабар доданд.
Иброз гардид, ки ҳадафи озмун нишон додани намуна будани модар ба духтар мебошад, зеро модар сарчашмаи ҳунару ахлоқ ва маърифату либоспӯшӣ барои духтар дониста шуда, духтар ҳама кирдорро дар пайравӣ ба модар анҷом медиҳад.
Дар озмун тамоми сокинон ва занону духтарон аз ҳама шаҳру ноҳияҳои мамлакат метавонанд иштирок намоянд.
Озмун аз шартҳои зерин иборат мебошад: пешниҳоди танҳо расми модар бо духтари худ бо либоси миллӣ, нигориш ва ороиши миллӣ, расм бояд инъикосгари фарҳанг, анъана ва таъриху ҳунарҳои миллӣ бошад, синну соли иштирокчиён, яъне модару духтар маҳдудият надорад.
Ғолибон аз ҷониби комиссияи озмун муайян шуда, дар арафаи Рӯзи Модар бо Диплом ва туҳфаҳои пулӣ қадршиносӣ мегарданд.
Барои ҷои аввал 10 000 сомонӣ, ҷойи дуюм 5000 сомонӣ ва ҷои сеюм — 3000 сомонӣ муайян шудааст.
Ҳамчунин ғолибони 10 расми беҳтарин бо туҳфаҳои хотиравӣ сарфароз гардонида мешаванд.
Хоҳишмандон метавонанд расмҳои гирифтаи худро ба тариқи сомонаи фейсбукии Раёсати ВКД дар вилояти Хатлон равон намоянд.
АКС: Раёсати Вазорати корҳои дохилӣ дар вилояти Хатлон
Дар Бадахшон 31-солагии таъсиси Қӯшунҳои сарҳадӣ таҷлил гардид
Мубориза ба муқобили терроризми байналмилалӣ масъалаи афзалиятноки замони муосир аст
«КОРВОНИ ДИДОР». Модарон дар қисмҳои ҳарбӣ бо шароити хизмати фарзандон шинос мешаванд
Дар Душанбе ду далели вайрон намудани қоидаҳои истифодаи неруи барқ ошкор карда шуд
Дар Душанбе ҷаласаи Шурои роҳбарони ниҳодҳои амниятӣ ва хадамоти махсуси кишварҳои аъзои Иттиҳоди Давлатҳои Мустақил оғоз шуд
Дар вилояти Хатлон санҷиши омодагии ҳайати захираҳои сафарбарӣ доир гардид
Раёсати Вазорати корҳои дохилӣ дар шаҳри Душанбе гурӯҳи муташаккили ҷиноятиро дастгир намуд
Дар Душанбе ҷаласаи мақомоти ҳифзи ҳуқуқ доир шуд
Президенти Тоҷикистон: «Ҳифзи сулҳи пойдор вазифаи муқаддаси ҳар фарди ҷомеа мебошад»
Дар Суғд ҷаласаи Шурои ҳамоҳангсози фаъолияти мақомоти ҳифзи ҳуқуқ доир шуд
Нақшаи даъвати баҳории шаҳрвандон ба сафи Артиши миллӣ 100 фоиз иҷро гардид
Ба сокинони шаҳри Роғун риояи талаботи қонунгузорӣ дар самти истифодаи самараноки неруи барқ фаҳмонида мешавад
