Бо кормандони мақомоти корҳои дохилӣ дар вилояти Хатлон оид ба пешгирии омилҳои номатлуб вохӯрӣ доир шуд
ДУШАНБЕ, 03.02.2025 /АМИТ «Ховар»/. 1 феврал бо кормандони мақомоти корҳои дохилии вилояти Хатлон ва ҷузъу томҳои он дар шаҳру ноҳияҳои вилоят вохӯрӣ баргузор гардид. Дар ин хусус ба АМИТ «Ховар» аз Раёсати Вазорати корҳои дохилии Ҷумурии Тоҷикистон дар вилояти Хатлон хабар доданд.
Зимни вохӯрӣ Вазири корҳои дохилии Ҷумҳурии Тоҷикистон Рамазон Раҳимзода оид ба иҷрои нишондиҳандаҳои Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ «Дар бораи самтҳои асосии сиёсати дохилӣ ва хориҷии ҷумҳурӣ» аз 28 декабри соли 2024 иброз дошт, ки бо мақсади нигоҳдошти солимии хонаводаҳо ва ҷомеа, ҳифзи арзишҳои миллию фарҳангӣ ва таъмини суботи комили сиёсӣ дар вилояти Хатлон мубориза бар зидди зуҳуроти халалдоркунандаи манфиатҳои давлату миллат пурзӯр карда мешавад.
Вобаста ба пешгирии ҷинояткорӣ дар байни ноболиғону ҷавонон гуфта шуд, ки дар ин самт бояд тадбирҳои муассир андешида шуда, вохӯрию корҳои фаҳмондадиҳӣ бо иштироки волидайн ва нозирони минтақавӣ дар байни ноболиғону ҷавонон тақвият бахшида шаванд.
Вазири корҳои дохилӣ дар назди кормандони мақомоти корҳои дохилии вилояти Хатлон барои мубориза бар зидди терроризм, экстремизм, пешгирии ҳуқуқвайронкунию ҷинояткорӣ, аз ҷумла байни ҷавонону ноболиғон, пешгирӣ аз муомилоти ғайриқонунии маводи мухаддир ва дигар ҷинояткориҳо вазифаҳои мушаххас гузошт.
Аз кормандони ин соҳа даъват ба амал оварда шуд, ки ба халқу Ватан содиқона хизмат намуда, барои ҳифзи дастовардҳои замони соҳибистиқлолӣ омода бошанд.
Дар анҷоми вохӯрӣ як зумра кормандони Бозрасии давлатии автомобилии Вазорати корҳои дохилии Ҷумҳурии Тоҷикистон барои саҳми назаррас дар пешгирии ҳуқуқвайронкунию ҷинояткорӣ ва ба низом даровардани тартиботи ҷамъиятӣ ва пешгирии садаманокию ба низом даровардани ҳаракати воситаҳои нақлиёт ба натиҷаҳои назаррас ноил гардидаанд, бо нишону медалҳо қадрдонӣ шуданд.
АКС: Раёсати Вазорати корҳои дохилии Ҷумҳурии Тоҷикистон дар вилояти Хатлон
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
