Дар Бохтар аввалин Созишнома оид ба рушди инфрасохтори соҳаи варзиш ба имзо расид
ДУШАНБЕ, 01.02.2025 /АМИТ «Ховар»/. Дар шаҳри Бохтари вилояти Хатлон аввалин созишномаи шарикии давлат ва бахши хусусӣ ба имзо расид. Созишномаи мазкур барои таъмиру навсозии толори варзишие, ки охири солҳои 80-уми асри гузашта сохта шуда, дар ҳолати садамавӣ қарор дорад, бо иштироки бахши хусусӣ – Ширкати «Дороб» ба муҳлати 20 сол ва бо арзиши лоиҳавии 2,5 миллион сомонӣ баста шуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлтаии вилояти Хатлон хабар медиҳад.
Лоиҳаи мазкур аз ҷониби Мақомоти иҷроияи ҳокимияти давлатии шаҳри Бохтар таҳия гардида, 27 декабри соли 2024 аз ҷониби Шӯро оид ба шарикии бахши хусусӣ маъқул дониста шуд.Созишнома аз ҷониби иҷрокунандаи вазифаи Раиси шаҳри Бохтар Абдулмаҷид Муминзод ва роҳбари ширкати «Дороб» ба имзо расид.
Тибқи Созишномаи мазкур, барои наврасону ҷавонони шаҳри Бохтар толори варзишии замонавӣ сохта, барои баргузории мусобиқаҳо ва тамринҳо мавриди истифода қарор дода мешавад.
Ин иқдом бо мақсади татбиқи Қонуни Ҷумҳурии Тоҷикистон «Дар бораи шарикии давлат ва бахши хусусӣ», ки яке аз ҳадафҳои асосии Ҳукумати Ҷумҳурии Тоҷикистон дар самти ҷалби бахши хусусӣ барои барқарорсозӣ, таҷдид ва истифодабарии инфрасохтори асосии иҷтимоии давлатӣ мебошад, амалӣ гардид.
Иқдоми мазкур яке аз ҳадафҳои асосии роҳбарияти вилоят буда, дар оянда тавассути механизми шарикии давлат ва бахши хусусӣ лоиҳаҳои дигар низ амалӣ хоҳанд шуд.
АКС: Мақомоти иҷроияи ҳокимияти давлтаии вилояти Хатлон
Муовини Сарвазири Тоҷикистон дар ноҳияи Шаҳристон бо ҳолати кишти картошка шинос шуд
Форуми сеюми байналмилалии «Суғд – чорроҳаи Роҳи бузурги Абрешим» баргузор мешавад
Дар ноҳияи Мастчоҳ дар беш аз 12 ҳазор гектар пунбадона кишт карда мешавад
Вазири молияи Тоҷикистон бо роҳбарияти Бонки ҷаҳонӣ ва Хазинаи байналмилалии асъор вохӯрӣ намуд
Ҳамкории Тоҷикистон бо Бонки Осиёии сармоягузориҳои инфрасохторӣ густариш меёбад
Ҳайати Тоҷикистон бо ноиби президенти Бонки ҷаҳонӣ оид ба кишварҳои Аврупо ва Осиёи Марказӣ вохӯрӣ намуд
Дар Вилояти Мухтори Кӯҳистони Бадахшон дар 200 гектар боғ бунёд карда мешавад
Чаро дар чарогоҳҳо ва заминҳои лалмии Тоҷикистон ҳашароти зараррасон бештар гардидааст?
Маркази назорати давлатии санитарию эпидемиологии вилояти Суғд: «Дар мавсими гармо ба бехатарии маҳсулот диққат диҳед!»
Тоҷикистон то соли 2029 истифодаи гидрофторкарбонҳоро то 70 фоиз коҳиш медиҳад
Тавсеаи ҳамкорӣ байни Тоҷикистон ва Эрон дар соҳаи ҳамлу нақл баррасӣ гардид
Кишти зериплёнкавии пунбадона аз усулҳои муосири агротехникӣ ба ҳисоб меравад
