Дар Душанбе маросими ҷоизасупории соҳаи кор бо ҷавонон дар соли 2024 оғоз гардид
ДУШАНБЕ, 04.02.2024. /АМИТ «Ховар»/. Дар шаҳри Душанбе маросими ҷоизасупории соҳаи кор бо ҷавонон оғоз гардид, ки зимни он ғолибони озмунҳои эълоннамудаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар соли 2024 қадрдонӣ карда мешаванд, иттилоъ медиҳад АМИТ «Ховар».
Бояд гуфт, ки барои дастгирӣ, ҳавасмандгардонӣ, тарбияи ватандӯстӣ ва таҳкими ҳувияти миллии ҷавонон ҷоизаи «Шуҷоат ва ҷавонмардӣ» таъсис дода шудааст. Дар маросими ҷамъбасти соҳаи кор бо ҷавонон барои қадршиносии хизматҳои шоиста ва ҷавонмардии ҷавонон дар назди ҷомеа ва давлат, ҷасорату фидокорӣ дар вазъияти ҷангӣ, ҳолатҳои таҳдидкунанда ба амнияти миллату давлат, адои қарзи ҳарбӣ ва хизматию шаҳрвандӣ беҳтаринҳо муайян карда шуда, ин ҷоиза дар фазои тантанавӣ ба онҳо супорида мешавад.
Инчунин дар маросим нафарони дигар аз рӯи номинатсияҳои «Беҳтарин сохтори соҳаи кор бо ҷавонон ва варзиш дар соли 2024», «Беҳтарин волонтёри соли 2024», «Беҳтарин шуъбаи кор бо ҷавонони муассисаҳои таҳсилоти олии касбӣ дар соли 2024», “Беҳтарин шуъбаи кор бо ҷавонони донишгоҳу донишкадаҳо”, “Беҳтарин сохтор дар самти тарбияи ватандӯстии ҷавонон дар соли 2024”, «Беҳтарин муассисаи тарғиботӣ дар соли 2024», “Беҳтарин корманди соҳаи кор бо ҷавонон дар соли 2024”, “Беҳтарин сохтори кор бо ҷавонон дар соли 2024” ва дигар номинатсияҳо ҳавасманд гардонида мешаванд.
Давоми соли 2024 бо мақсади арҷ гузоштан ба айёми фараҳбахшу созгори умри инсон – ҷавонӣ ва ифтихор аз фазои ободу ороми Ватан, баланд бардоштани мавқеъ ва мақоми ҷавонон дар ҷомеа, эҳтирому муҳаббат ба Ватан ва васфи саодати баланди ҷавонони Тоҷикистон, кашфи муаллифони боистеъдод, эҷодкор ва навовару бомаҳорат, тарғиб ва муаррифии муваффақияти ҷавонони солҳои соҳибистиқлолӣ, васфи хотироти ҷавонии фарзонагони миллат ва фарзандони фарзонаи сатҳи ҷумҳурӣ ва ҷаҳонии он ду озмуни сатҳи ҷумҳуриявӣ- “Васфи ҷавонӣ” ва “Ватан- шукӯҳат побарҷо” эълон гардида буд. Ҳарду озмун натиҷагирӣ ва ғолибони он бо Диплом ва туҳфаҳо сарфароз гардонида мешаванд.
Зарангези ЛАТИФ,
АМИТ «Ховар»
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
ИСТИҚЛОЛИЯТИ ДАВЛАТИИ ТОҶИКИСТОН ТО АБАД УСТУВОРУ ПОЯНДА БОШАД! Тавсифҳои истиқлолият аз суханҳои пурарзиши Президенти Тоҷикистон
«РУШДИ ҲУҚУҚИ ИНСОН ДАР 35 СОЛИ СОҲИБИСТИҚЛОЛИИ ТОҶИКИСТОН». Таҳти ин унвон конференсияи байналмилалӣ доир шуд
Дар солҳои соҳибистиқлолии Тоҷикистон андозаи нафақаҳо беш аз 20 маротиба индексатсия карда шуд
35 СОЛИ ИСТИҚЛОЛ: АЗ ОЗМОИШҲОИ ТАЪРИХ ТО БУНЁДИ ПОЯҲОИ ОЯНДАИ ДУРАХШОН. Андешаҳо дар ин маврид
Аз 1 сентябр маоши вазифавии кормандони соҳаҳои маориф, илм, фарҳанг, варзиш, тандурустӣ ва муассисаҳои соҳаи ҳифзи иҷтимоӣ зиёд карда мешавад
35-СОЛАГИИ ИСТИҚЛОЛИ ДАВЛАТӢ. Дар деҳаи Руҳафзои ноҳияи Темурмалик 9 иншооти таъйиноти гуногун ифтитоҳ гардид
Дар Тоҷикистон ҳавои моҳи якуми фасли тирамоҳ то 1 дараҷа гарм пешгӯӣ мешавад
Бо иштироки Сарвазири Тоҷикистон маросими супоридани мукофот ва ҷоизаҳои давлатӣ ба намояндагони касбу кори гуногун баргузор шуд
ПУРСИДЕД, ҶАВОБ МЕДИҲЕМ. Аз соли 2027 шаҳрвандони хориҷӣ дар Федератсияи Русия кадом талаботи навро бояд риоя намоянд?
Оид ба нақши Пешвои миллат дар таҳкими истиқлолият ва рушди Тоҷикистони соҳибистиқлол ҳамоиш доир шуд
Муассисаҳои таҳсилоти ибтидоӣ ва миёнаи касбӣ ба соли нави таҳсил омода мебошанд
ОГОҲӢ! Аз 29 то 31 август дар баъзе минтақаҳои Тоҷикистон омадани селҳои маҳаллӣ пешгӯӣ мешавад
