Дар Риёз байни Ҷамъияти Ҳилоли Аҳмари Тоҷикистон ва Маркази имдоди Малик Салмон созишнома ба имзо расид
ДУШАНБЕ, 25.02.2025 /АМИТ «Ховар»/. 24-25 феврал дар пойтахти Шоҳигарии Арабистони Саудӣ — шаҳри Риёз Форуми чоруми байналмилалии башардӯстӣ баргузор гардид, ки дар он котиби генералии Ҷамъияти Ҳилоли Аҳмари Тоҷикистон Баҳодур Қурбониён иштирок намуд, хабар медиҳад АМИТ «Ховар» бо истинод ба Сафорати Ҷумҳурии Тоҷикистон дар Шоҳигарии Арабистони Саудӣ.
Зимни иштирок дар Форуми байналмилалии башардӯстӣ аз ҷониби роҳбарияти Ҷамъияти Ҳилоли Аҳмари Тоҷикистон ва Маркази имдод ва кумакҳои башардӯстонаи Малик Салмони Арабистони Саудӣ Созишнома оид ба лоиҳаи «Сарпарастии ятимон» ба имзо расид. Тибқи он ба 1000 нафар кӯдакони ятими шаҳру ноҳияҳои Тоҷикистон, ки фарогири ин лоиҳа мебошанд, тавассути кортҳои бонкии онҳо кумаки молиявӣ расонида мешавад.
Инчунин дар форум уҳдадории ҷонибҳо дар ҳалли мушкилоти мубрами башардӯстона таъкид гардид. Гуфта шуд, ки мавзуи имсолаи форум- «Муайян кардани ояндаи вокуниши башардӯстона» зарурати фаврии амалиёти дастҷамъиро дар манзараи беш аз пеш бесобиқаи ҷаҳонӣ инъикос менамояд.
Форум ҳамчун платформаи муҳим барои муколама хизмат намуда, роҳбарон, коршиносон, сиёсатмадорон ва таҷрибаомӯзонро аз саросари ҷаҳон муттаҳид менамояд. Он равишҳои инноватсионии кумаки башардӯстонаро якҷоя омӯхта, нақши технологияро дар вокуниш ба буҳрон баррасӣ намуда, мушкилотеро, ки дар натиҷаи тағирёбии иқлим, низоъ ва муҳоҷират ба миён меоянд, ҳал месозад.
АКС: Сафорати Ҷумҳурии Тоҷикистон дар Шоҳигарии Арабистони Саудӣ
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
Дар Коллеҷи омӯзгорӣ ва рақамикунонии шаҳри Бохтар Озмуни ҷумҳуриявии «Илм — фурӯғи маърифат» баргузор шуд
Имрӯз дар Тоҷикистон борони кӯтоҳмуддат меборад
