ФАННИ ТЕХНОЛОГИЯ (ТАЪЛИМИ МЕҲНАТ). Дар самти таълими он чӣ мушкилӣ ҷой дорад?
ДУШАНБЕ, 02.02.2025. /АМИТ «Ховар»/. Надоштани синфхонаҳои технология (таълими меҳнат) яке аз мушкилоти баъзе муассисаҳои таҳсилоти миёнаи умумии мамлакат ба шумор рафта, тақозо мекунад, ки дар ҳар муассиса хонандагон ба ду зергурӯҳ ҷудо шаванд. Зеро технологияи барномаи таълимии писарона ва духтарона аз якдигар фарқ мекунад. Вазорати маориф ва илми Ҷумҳурии Тоҷикистон дар ин самт чӣ тадбир менадешад? Ба ин саволи хабарнигори АМИТ «Ховар» Вазири маориф ва илм посух дод.
«Дар ҳама он муассисаҳои наве, ки ба истифода дода мешаванд, таълими меҳнат ду зергурӯҳ дорад, яъне духтарона ва писарона. Инчунин дар тамоми он муассисаҳое, ки дар оянда сохта, ба истифода дода мешаванд, дар онҳо низ чунин синфхонаҳо таъсис дода мешаванд», -гуфт Вазири маориф ва илм.
Бояд таъкид намуд, ки Президенти Ҷумҳурии Тоҷикистон муҳтарам Эмомалӣ Раҳмон пайваста ба масъалаи соҳибкасб шудани ҷавонон ва доштани шуғли пурмаҳсул ба масъулин дастуру супориш медиҳанд ва будани ин фан ва шароити мусоид фаро овардан дар ин самт яке аз роҳҳои соҳибкасб намудани насли наврас ҳисобида мешавад.
Тибқи муроҷиати баъзе омӯзгорон, чунин мушкилӣ асосан дар муассисаҳои таълимии шаҳру ноҳияҳои дурдаст ҷой дорад. Тавре аз гуфтаи онҳо бармеояд, таълим додани духтарону писарон дар як гурӯҳ барои омӯзгорон мушкилӣ эҷод мекунад. Зеро фанни технология дар тафаккури хонандагон донишҳои политехникиро ташаккул дода, онҳоро бо техникаи нав, технологияҳои муосири коркарди масолеҳ шинос менамояд. Дар раванди омӯзиши ин фан хонандагон касби ояндаи худро бошуурона интихоб намуда, бо кори истеҳсолӣ шинос мешаванд.
Дар ин дарс духтарон бояд қобилияти эҷодкорӣ, эҳсоси баланди зебоипарастӣ, малакаю маҳорат ва завқи баланд дошта бошанд, технологияи дӯхтани либосҳои занона, кашидани нақша, сохтани қолаб, хосиятҳои матоъро донанд ва доир ба мошинаи дарздӯзӣ маълумоти пурра дошта бошанд.
Вазири маориф ва илми мамлакат инчунин иброз намуд, ки дар ин самт кор бурда, барои ҳалли ин мушкилӣ тадбир меандешанд.
Зарангези ЛАТИФ,
АМИТ «Ховар»
АКС: АМИТ «Ховар»
Дар Донишгоҳи байналмилалии сайёҳӣ ва соҳибкории Тоҷикистон ғолибони Олимпиадаи байналмилалӣ қадрдонӣ карда шуданд
Дар Донишкадаи байналмилалии Левакант конфронси илмӣ-амалӣ доир гардид
«ИЛМ — АСОСИ РУШДИ ИННОВАТСИЯ». Дар Донишгоҳи техникии Тоҷикистон конференсияи XI байналмилалии илмӣ доир шуд
Дар Душанбе ҳамкории давлат, илм ва бахши хусусӣ дар таъмини рушди устувори соҳибкорӣ муҳокима гардид
«ТОҶИКИСТОН — ВАТАНИ АЗИЗИ МАН». Дар Донишгоҳи давлатии ҳуқуқ, бизнес ва сиёсати Тоҷикистон даври донишгоҳии озмун доир шуд
Дар Хатлон доир ба таъмини муассисаҳои таълимӣ бо ғизо вохӯрӣ баргузор гардид
Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои таҳсилоти олии Русия тақвият меёбад
Дар конфронси байналмилалӣ тамоюлҳои муосири таъмини ҳуқуқии рушди устувор, рақамикунонӣ ва зеҳни сунъӣ баррасӣ шуданд
САЙЁҲӢ — МУҲАРРИКИ РУШДИ УСТУВОР. Дар Душанбе дар ин мавзуъ конфронси байналмилалӣ баргузор шуд
Донишгоҳи байналмилалии сайёҳӣ ва соҳибкории Тоҷикистон расман ҳамоҳангсози миллии шабакаи «UI GreenMetric» ва ташаббусҳои «сабз» дар Тоҷикистон гардид
Хонандагони ноҳияи Данғара дар олимпиадаи ҷумҳуриявӣ 18 медал ба даст оварданд
Хонандаи Гимназияи хусусии «Кафолат» дар Олимпиадаи байналмилалаии JEO, SEO – 2026 сазовори медали тилло гардид
