«КОРВОНИ САЛОМАТӢ». Сокинони ноҳияи Спитамен аз ташхису муоинаи ройгони тиббӣ гузаштанд
ДУШАНБЕ, 25.02.2025. /АМИТ «Ховар»/. Дар доираи «Корвони саломатӣ» 384 нафар сокинони ноҳияи Спитамени вилояти Суғд аз ташхису муоинаи ройгони тиббӣ гузаштанд. Дар ин хусус АМИТ «Ховар» бо истинод ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад.
Дар доираи ин чорабинӣ сокинони ноҳия аз ҷониби табибони ботаҷриба, аз ҷумла асабшинос, дилшинос, терапевт, гинеколог, амрози ғадудҳои дарунӣ, гурдаю роҳҳои пешоброн, хун, гастроэнтеролог, неонатолог, ҷарроҳ, осебшиноси кӯдакона, амрози чашм, нутқшинос ва стоматолог ба ташхис ва муоинаи ройгон фаро гирифта шуданд.
«Корвони саломатӣ» ба беҳтар намудани сифати хизматрасонии тиббию санитарӣ ба кӯдакон ва расонидани ёрии амалию методӣ ба муассисаҳои тиббии ноҳияи Спитамен равона гардид. Инчунин аз ҷониби мутахассисони соҳа бо сокинон корҳои фаҳмондадиҳӣ оид ба пешгирии бемориҳо гузаронида ва барои табобати бемориҳои гуногун тавсияҳо пешниҳод шуданд.
Ёдовар мешавем, ки «Корвони саломатӣ» дар дигар шаҳру ноҳияҳои вилояти Суғд низ гузаронида мешавад.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
Дар ноҳияи Данғара нақшаи ҷамъоварии пахта 100 фоиз иҷро гардид
Дар ноҳияи Деваштич иншооти гуногуни иҷтимоӣ ба истифода дода шуданд
Дар Академияи идоракунии давлатӣ оид ба нақши Конститутсия дар таъмини баробарии гендерӣ ҳамоиш доир шуд
