Маҳмадтоир Зокирзода: «Таъмини сулҳу субот ва зиндагии осоишта дар саросари ҷаҳон яке аз ҳадафҳои асосии сиёсати хориҷии Тоҷикистон мебошад»
ДУШАНБЕ, 21.02.2025. /АМИТ «Ховар»/. Ҳайати парлумонии Тоҷикистон таҳти раёсати Раиси Маҷлиси намояндагони Маҷлиси Олӣ Маҳмадтоир Зокирзода дар ҷаласаи 15-уми пленарии Ассамблеяи парлумонии Осиё, ки 19-20 феврал дар шаҳри Бокуи Ҷумҳурии Озарбойҷон баргузор гардид, иштирок намуд. Дар ин хусус ба АМИТ «Ховар» котиби матбуоти Маҷлиси намояндагони Маҷлиси Олӣ Муҳаммадато Султонов хабар дод.
Маҳмадтоир Зокирзода иброз намуд, ки «имрӯз Парлумони Тоҷикистон дар баробари Ассамблеяи парлумонии Осиё дар кори Ассамблеяи байнипарлумонии Иттиҳоди Давлатҳои Мустақил, Ассамблеяи парлумонии Созмони Аҳдномаи амнияти дастҷамъӣ, Ассамблеяи парлумонии Созмони амният ва ҳамкорӣ дар Аврупо ва дигар сохторҳои байнипарлумонӣ иштироки фаъол дорад».
Вобаста ба ташаббусҳои ҷаҳонии Тоҷикистон таъкид гардид, ки мусоидат ба таъмини сулҳи устувор, субот ва зиндагии осоишта дар саросари ҷаҳон яке аз ҳадафҳои асосии сиёсати хориҷии Ҷумҳурии Тоҷикистон мебошад.
«Пешниҳоди Президенти Ҷумҳурии Тоҷикистон муҳтарам Эмомалӣ Раҳмон дар иҷлосияи 79-уми Маҷмаи Умумии Созмони Милали Муттаҳид оид ба қабули қатъномаи махсус «Даҳсолаи таҳкими сулҳ барои наслҳои оянда» маҳз ҳамин ҳадафҳоро дар бар мегирад», — иброз намуд Раиси Маҷлиси намояндагон.
Тазаккур дода шуд, ки дастгирии ҷомеаи ҷаҳонӣ аз ташаббусҳои Тоҷикистон оид ба масъалаҳои об ва иқлим нақши пешбари давлати моро дар татбиқи рӯзномаи об ва иқлим дар сатҳи байналмилалӣ ифода мекунад.
«Бо ибтикори Тоҷикистон Маҷмаи Умумии Созмони Милали Муттаҳид соли 2025-ро Соли байналмилалии ҳифзи пиряхҳо эълон намуд, — ёдовар шуд Маҳмадтоир Зокирзода. — Бо ин қатънома Рӯзи ҷаҳонии пиряхҳо, ки шуруъ аз соли 2025 ҳамасола таҷлил мешавад, муқаррар гардида, Фонди мақсаднок оид ба ҳифзи пиряхҳо таъсис дода шуд».
Раиси Маҷлиси намояндагон изҳор намуд, ки моҳи май дар шаҳри Душанбе нахустин Конфронси байналмилалии сатҳи баланд оид ба ҳифзи пиряхҳо баргузор мешавад ва аз ҳайатҳои давлатҳои шарику созмонҳои байналмилалию минтақавӣ даъват намуд, ки дар кори конфронс фаъолона иштирок намоянд.
Дар идома гуфта шуд, ки бо ибтикори Тоҷикистон ва Фаронса Маҷмаи Умумии Созмони Милали Муттаҳид солҳои 2025-2034-ро Даҳсолаи амал барои илмҳои яхшиносӣ эълон намуд.
АКС: Маҷлиси намояндагони Маҷлиси Олии Ҷумҳурии Тоҷикистон
Намояндагони парлумонҳои Осиёи Марказӣ масъалаҳои таъмини амнияти об, иқлим ва ҳифзи муҳити зистро баррасӣ карданд
Дар доираи Форуми чоруми байнипарлумонӣ ҷаласаи «Ҳамгироии иқтисодӣ, рушди устувор ва тавсеаи шарикии минтақавӣ» баргузор гардид
Рустами Эмомалӣ бо Раиси Курултайи Ҷумҳурии Қазоқистон Айбек Дадебай мулоқот намуданд
Дар Тоҷикистон Форуми чоруми байнипарламентии давлатҳои Осиёи Марказӣ баргузор гардид
Имрӯз дар Душанбе Форуми чоруми байнипарламентии давлатҳои Осиёи Марказӣ баргузор мешавад
Роҳбарони парламентҳои давлатҳои Осиёи Марказӣ бо шоҳкориҳои Театри миллии Тоҷикистон шинос шуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси Маҷлиси Туркманистон Дунягозел Гулманова мулоқот намуданд
Файзалӣ Идизода бо Раиси Маҷлиси Туркманистон Дунёгузел Гулманова вохӯрӣ намуд
Ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Пешниҳодҳои Тоҷикистон дар ҷаласаи Комиссияи доимии Ассамблеяи байнипарламентии давлатҳои иштирокдори ИДМ дастгирӣ ёфтанд
Вакили Маҷлиси намояндагон дар ҷаласаи Комиссияи доимии Ассамблеяи байнипарлумонии давлатҳои ИДМ иштирок намуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
