МАСЛИҲАТИ МУТАХАССИС. Ҳангоми гирифтани рӯза инсон бояд солим бошад
ДУШАНБЕ, 28.02.2025. /АМИТ «Ховар»/. Ҳангоми гирифтани рӯза инсон бояд солим бошад. Агар инсон ба бемории захми меъда, рӯдаи дувоздаҳангушта, панкреатити музмин, диабети қанд гирифтор бошад, худдорӣ аз истеъмоли дуру дарози об ва таом боиси афзоиши ин бемориҳо мегардад. Ин матлабро номзади илми тиб, табиби Пажуҳишгоҳи гастроэнтерологияи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Худойбердӣ Қосимов ба хабарнигори АМИТ «Ховар» иброз дошт.
Ба тавсияи мутахассисон, ҳангоми рӯза гирифтани беморони гирифтори захми меъдаю рӯда дар меъдаи онҳо туршии шира баланд мешавад. Ҳангоми аз ғизо холӣ шудани меъда туршӣ девораҳои онро захмгин намуда, сабаби кафидани захм ва ба дигар узвҳо гузаштани он мегардад. Нафароне, ки гирифтори бемории диабети қанд ҳастанд, онҳо ҳамарӯза доруҳое истеъмол менамоянд, ки қандро паст менамояд. Аз ин рӯ онҳо набояд рӯза доранд. Инчунин нафарони гирифтори бемории қанд бояд обро зиёд нӯшанд. Талаботи организмро бо моеи нӯшокӣ қонеъ намудани бемор шарт аст.
Ба тавсияи табибони бемориҳои занона, рӯза гирифтани модароне, ки кӯдакони ширмак доранд, метавонад боиси гипогликемия (ҳолати пасти глюкоза дар хун) гардад. Онҳо бояд бисёртар таомҳои серғизо истеъмол намоянд, то шир ҳосил шавад. Инчунин ҳангоми рӯза гирифтани занони ҳомила агар кӯдак ғизои зарурӣ наёбад, шираи устухонро ҷаббида мегирад, ки ин ба заифии устухон ва ҳолати тез пиршавӣ оварда мерасонад.
Аз рӯи мушоҳидаҳо нафароне ҳастанд, ки дар вақти рӯза доштан вазни онҳо зиёд мегардад ё боиси бемории меъда мешавад. Ин нафарон онҳое мебошанд, ки баъди худдорӣ аз таому об давоми чанд соат якбора хӯроки зиёд истеъмол менамоянд. Ё барои ҳис накардани гуруснагӣ бештар таомҳои дуюм истеъмол менамоянд.
Худойбердӣ Қосимов иброз намуд, ки зимни гирифтани рӯза пеш аз истеъмоли хӯрок ҳатман сабзавот ё хӯроки обдор истеъмол намоед, то меъдаи шумо осеб набинад. Инсонҳо аксаран дар вақти таомхӯрӣ саросема мешаванд ва якбора хӯроки зиёд истеъмол менамоянд. Вале маълум аст, ки то он даме, ки ҳиссиёти инсон аз сер шудан хабар мерасонад, аллакай меъда хӯроки аз меъёр зиёдро дар худ ҷой медиҳад.
Фирӯза ДАВЛАТЗОДА,
АМИТ «Ховар»
АКС аз манбаъҳои боз
ДАР ҲАР ЯК ОҲАНГ МУҲАББАТИ БЕАНДОЗАИ ТОҶИКОН БА ВАТАН ЭҲСОС МЕШУД. Бардошт аз баргузории Рӯзҳои фарҳанги Тоҷикистон дар Русия
Дар Бохтар бинои нави Беморхонаи бемориҳои дил ва маркази эндокринология сохта мешавад
МАСЛИҲАТИ МУТАХАССИС. Бодинҷон барои беҳтар шудани кори дил ва узвҳои ҳозима мусоидат мекунад
САРФАКОРӢ — БАРАКАТИ ЗИНДАГӢ. Ба миқдори сари сӯзан сарфа кардани зан баракатро дар хонадон дучанд меафзояд
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
РУШДИ САЙЁҲӢ ДАР БАДАХШОН. Сабзазорҳои алпӣ, биёбонҳои баландкӯҳ, дарёҳои тезҷараён ва кӯлҳои мусаффои он назаррабо мебошанд
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
