НИШАСТИ МАТБУОТӢ. Ҷавобгарӣ нисбат ба зӯроварӣ ба кӯдакон пурзӯр карда мешавад
ДУШАНБЕ, 02.02.2025. /АМИТ «Ховар»/. Соли 2024 аз ҷониби Мақомоти ваколатдор оид ба ҳуқуқи кӯдак 8 муроҷиати хаттӣ ва 6 муроҷиати шифоҳӣ сабт шудааст. Зимни он шаҳрвандон бинобар эҳтимоли ҷой доштани зӯроварӣ ё таҳдид нисбат ба кӯдак муроҷиат кардаанд, ки ин нисбат ба соли 2023 қариб 1,5 баробар зиёд аст. Дар ин хусус 27 январ сардори шуъбаи ҳифзи давлатии ҳуқуқҳои кӯдаки дастгоҳи Ваколатдор оид ба ҳуқуқи инсон дар Ҷумҳурии Тоҷикистон Суҳайлӣ Қодирӣ зимни нишасти матбуотӣ иттилоъ дод.
Ба иттилои Суҳайлӣ Қодирӣ, ин муроҷиатҳо, пеш аз ҳама, ба масъалаҳои зӯроварӣ дар доираи оила вобастаанд, яъне кӯдак аз ҷониби падару модар, модар ё падар ва ё дигар намояндагоне, ки тарбияи кӯдак ба уҳдаи онҳо аст, мавриди зӯроварӣ қарор мегирад. «Аз 8 ҳолат дар ду ҳолати алоҳида бо мусоидати кормандони мақомоти Ваколатдор оид ба ҳуқуқи инсон бо аъзои оила, масъулини мақомоти худидоракунии ҷамоату шаҳраку деҳот ва комиссияҳо оид ба ҳифзи ҳуқуқи кӯдак машварат гузаронида шуда, ин ҳолатҳо бартараф карда шуданд. Нисбат ба 6 ҳолати алоҳидаи муроҷиатҳое, ки ба Ваколатдор ворид шудаанд, санадҳо ба Прокуратураи генералии Ҷумҳурии Тоҷикистон ва Вазорати корҳои дохилии Ҷумҳурии Тоҷикистон барои баррасии минбаъда фиристода шуданд»,-иброз намуд мавсуф.
Бояд гуфт, ки соли 2024 дар шабакаҳои иҷтимоӣ якчанд ҳолати ба зӯроварӣ гирифтор шудани кӯдакон аз ҷониби калонсолон паҳн гардид. Дар робита ба ин Суҳайлӣ Қодирӣ иттилоъ дод, ки 8 навори видеоие, ки дар шабакаҳои иҷтимоӣ нашр гардида, дар онҳо нисбат ба кӯдакон зӯроварӣ рух додааст, 2 ҳолати он ба Ҷумҳурии Тоҷикистон дахл надошта, дар 2 ҳолати дигар зӯроварӣ барои сари вақт маблағ фиристодани волидони онҳо анҷом дода шудааст.
Бояд гуфт, ки марҳила ба марҳила қонунгузории мамлакат нисбат ба ин ҳолатҳо пурзӯр карда мешавад. Дар айни замон дар назди Прокуратураи генералӣ гурӯҳи корӣ таъсис дода шудааст, ки дар он намояндаи Ваколатдор оид ба ҳуқуқи кӯдак иштирок мекунад. Кори ин гурӯҳ ба он нигаронида шудааст, ки пешгирии зӯроварӣ нисбат ба кӯдакон пурзӯр карда шавад.
Ба иттилои Суҳайлӣ Қодирӣ, яке аз дасовардҳои дигари Ҷумҳурии Тоҷикистон дар соли 2024 он буд ки мо ба рӯйхати 67 давлати пешрафтаи дунё ворид гардидем, ки ба тариқи қонунгузорӣ ҷазои ҷисмониро нисбат ба кӯдакон манъ кардаем.
Шаҳлои САДРИДДИН,
АМИТ «Ховар»
АКС: АМИТ «Ховар»
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
