НИШАСТИ МАТБУОТӢ. Аз Тоҷикистон ба 57 мамлакати хориҷаи дуру наздик молу маҳсулот содирот шудааст
ДУШАНБЕ, 07.02.2025 /АМИТ «Ховар»/. Соли 2024 аз Тоҷикистон ба хориҷи ҷумҳурӣ ба маблағи 1 миллиарду 600 миллиону 200 ҳазор доллар маҳсулоти ватанӣ бе назардошти металлҳои қиматбаҳо содирот шудааст, ки нисбат ба соли 2023 292 миллиону 400 ҳазор доллар зиёд мебошад. Дар ин хусус имрӯз зимни нишасти матбуотӣ директори Агентии содироти назди Ҳукумати Ҷумҳурии Тоҷикистон Баҳриддин Сироҷиддинзода иттилоъ дод.
Директори агентӣ иброз дошт, ки дар ин давра ҳам номгӯи маҳсулоти ватанӣ ва ҳам мамлакатҳое, ки ба онҳо молу маҳсулот содирот карда мешавад, тамоюли рӯ ба афзоиш дошт. Аз Тоҷикистон ба 57 мамлакати хориҷаи дуру наздик молу маҳсулот содирот шудааст, ки нисбат ба соли 2023 6 давлат зиёд мебошад. Солҳои охир номгӯи содироти маҳсулоти саноатию кишоварзӣ ба зиёда аз 500 номгӯй расида, ҳиссаи воридот дар савдои хориҷии ҷумҳурӣ ба тадриҷ коҳиш меёбад.
Соли 2024 гардиши савдои хориҷӣ ба таври назаррас рушд ёфта, ба 8 миллиарду 955 миллион доллар расонида шуд, ки нисбат ба соли 2023 626 миллиону 100 ҳазор доллар зиёд мебошад.
Содироти маҳсулоти саноатӣ бе назардошти металлҳои қиматбаҳо ва нимқиматбаҳо 1 миллиарду 543,5 миллион долларро ташкил намуд, ки нисбат ба соли 2023 284 миллион доллар зиёд гардид.
Инчунин ба маблағи 56,7 миллион доллар маҳсулоти кишоварзӣ содирот шудааст, ки нисбат ба соли 2023 8,6 миллион доллар афзоиш ёфтааст. Меваи хушк 90,1 ҳазор тонна ба маблағи 31,7 миллион доллар, 40,2 ҳазор тонна меваҷот ба маблағи 13,2 миллион доллар, 30,9 ҳазор тонна сабзавот ба маблағи 3,5 миллилон доллар ва 6,7 ҳазор тонна дигар намуди маҳсулоти кишоварзӣ ба маблағи 8,3 миллион доллар содирот шудааст.
«Агентии содирот бо хоҷагидорон ва истеҳсолкунандагони маҳсулоти кишоварзии ватанӣ бо мақсади талаф наёфтани маҳсулоти тару тоза ва зиёд намудани ҳаҷми содироти меваи хушк пайваста кор мебарад. Дар натиҷа содироти хушкмева соли 2024 нисбат ба соли қаблӣ ба маблағи 2,2 миллион доллар ё 7,3 фоиз зиёд гардид. Аз нигоҳи самаранокии иқтисодӣ коркард ва содироти маҳсулоти кишоварзӣ барои захира, бандубаст, пешгирӣ аз талафёбӣ ва бо арзиши баланд ба хориҷи ҷумҳурӣ содирот гардидани он бартарият дошта, дар натиҷаи тадбирҳои амалинамудаи Агентии содирот соли 2024 харитаи содироти ҷумҳурӣ васеъ ва гуногуншаклии маҳсулоти ватании ба содирот нигаронида таъмин гардид», — гуфт Баҳриддин Сироҷиддинзода.
Раъно НУСРАТУЛЛО,
АМИТ «Ховар»
АКС: АМИТ «Ховар»
Хатсайри қатораи Душанбе – Москва — Душанбе пас аз 6 сол барқарор гардид
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026–2030» қабул гардид
Намояндагони Тоҷикистон дар Форуми байналмилалии зиддикоррупсионӣ иштирок намуданд
Дар Тоҷикистон аввалин маҷмааи муосири истеҳсоли шиша бунёд мегардад
Дар ноҳияи Сино низоми «Пардохти ягонаи коммуналӣ» дар марҳилаи пилотӣ ҷорӣ мегардад
Тоҷикистон бо чанд давлати ҷаҳон муносибати савдои хориҷӣ дорад?
Дар Душанбе Форуми рушди технологияҳои иттилоотию коммуникатсионӣ баргузор шуд
Дар доираи ҷаласаи 45-уми Шурои идоракунандагони GCF барои Тоҷикистон 2 лоиҳаи нави муҳим ба маблағи 190 миллион доллар тасдиқ гардид
Дар Душанбе ҷараёни корҳои пешакии лоиҳаи сохтмони метро дар пойтахт муҳокима гардид
Палатаи савдо ва саноати Тоҷикистон ҳамкориро бо Чин ва кишварҳои Осиёи Марказӣ густариш медиҳад
Дар Тоҷикистон Маркази ҳамоҳангсозии амнияти киберӣ барои бахши энергетика ва Низоми миллии иттилоотии бахши энергетикаи Тоҷикистон таъсис дода мешавад
