НИШАСТИ МАТБУОТӢ. Беш аз 62 ҳазор нафар ба ҷавобгарии интизомӣ, моддӣ ва маъмурӣ кашида шуданд
ДУШАНБЕ, 14.02.2025 /АМИТ «Ховар»/. Соли 2024 дар Тоҷикистон 1494 ҷинояти дорои хусусияти террористӣ-экстремистӣ сабт гардид, ки нисбат ба соли 2023 226 ҷиноят ё 17,8 фоиз зиёд аст. Дар ин хусус имрӯз Прокурори генералии Ҷумҳурии Тоҷикистон Ҳабибулло Воҳидзода дар нишасти матбуотӣ ба намояндагони воситаҳои ахбори оммаи ватанӣ ва хориҷӣ иттилоъ дод.
Прокурори генералии Ҷумҳурии Тоҷикистон зимни натиҷагирӣ аз фаъолияти мақомоти прокуратураи мамлакат иброз намуд, ки дар ин давра кормандони мақомоти прокуратураи мамлакат барои таъмини волоияти қонун, мубориза бар зидди ҷинояткорӣ, ҳимояти манфиатҳои шахс, ҷамъият ва давлат корҳои муайянро ба анҷом расониданд.
Аз ҷумла, кормандони мақомоти прокуратураи ҷумҳурӣ соли 2024 6 ҳазору 973 санҷиш гузаронида, беш аз 4 ҳазор парвандаи ҷиноятӣ, ки аз он 1302 ададаш коррупсионӣ мебошад, оғоз намуданд. Инчунин дар ин давра 62 ҳазору 945 нафар ба ҷавобгарии интизомӣ, моддӣ ва маъмурӣ кашида шуда, ҳуқуқу манфиати беш аз 261 ҳазор нафар барқарор карда шуд. Ҳамзамон соли 2024 дар ҳаҷми беш аз 1,3 миллиард сомонӣ маблағи зарар рӯёнида шуд. Аз он зиёда аз 1,2 миллиард сомонӣ ба манфиати давлат равона гардид.
Ҳабибулло Воҳидзода афзуд, ки дар самти қонунгузорӣ оид ба замин 1101 парвандаи ҷиноятӣ оғоз шуд, ки 181 адади он марбут ба мансабдорон мебошад. Беш аз 4,3 ҳазор амру пешниҳод ва зиёда аз 2,1 ҳазор эътироз оварда шуд, 154,5 гектар қитъаи замин ба ҳолати аввала баргардонида ва 7190 нафар ба ҷавобгарӣ кашида шуданд.
Ҳамзамон барои вайрон намудани қонунҳои миллӣ, аз ҷумла Қонуни Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон» қариб 1700 нафар ва «Дар бораи масъулият барои таълиму тарбияи кӯдак» 4746 нафар ба ҷавобгарӣ кашида шуданд.
Инчунин 237 ҳолати монеъ шудан ба гирифтани таҳсили ҳатмии асосӣ ошкор ва нисбат ба ҷавобгарон тадбирҳо андешида шуданд.
Марзия САИДЗОДА,
АМИТ «Ховар»
АКС: АМИТ «Ховар»
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
