НИШАСТИ МАТБУОТӢ. Ширкату корхонаҳои ватанӣ дар 30 намоишгоҳи байналмилалӣ дар 9 давлати дунё иштирок намуданд
ДУШАНБЕ, 07.02.205 /АМИТ «Ховар»/. Соли 2024 Палатаи савдо ва саноати Ҷумҳурии Тоҷикистон дар ҳамкорӣ бо вазорату идораҳои дахлдори мамлакат, сафоратхонаҳои ҷумҳурӣ дар давлатҳои хориҷӣ ва шарикони рушд ба ташкил ва таъмини иштироки ширкату корхонаҳои ватанӣ дар 30 намоишгоҳи байналмилалӣ дар 9 давлати дунё мусоидат намуд. Дар ин хусус имрӯз зимни нишасти матбуотӣ ичрокунандаи вазифаи Раиси Палатаи савдо ва саноати Тоҷикистон Ҳайдар Раҷабов иттилоъ дод.
Масъалаи муаррифии молу маҳсулоти ватанӣ берун аз мамлакат яке аз самтҳои асосӣ ва муҳими фаъолияти Палата ба ҳисоб рафта, дар давраи ҳисоботӣ ба он диққати махсус дода шуд. Палата иштироки аъзо ва соҳибкорону ширкатҳои ватаниро дар намоишгоҳҳои 9 давлати дунё, аз ҷумла Узбекистон, Эрон, Федератсияи Русия, Туркия, Чин, Олмон, Ҳиндустон, Дубай ва Қатар таъмин намуд.
Инчунин барои шинос шудан бо навигариҳои технологияи муосири истеҳсолӣ ва пайдо намудани шарикони тиҷоратӣ аз дигар кишварҳо бо мусоидати Палата зиёда аз 2862 соҳибкор ба таври ҳузурӣ (офлайн) ва маҷозӣ (онлайн) дар намоишгоҳҳои хориҷӣ ва форумҳои тиҷоратӣ фаъолона иштирок намуданд.
Иттилоъ дода шуд, ки дар доираи намоишгоҳҳо ва форумҳои тиҷоратӣ зиёда аз 243 санади ҳамкории нав байни корхонаҳои ватанию хориҷӣ ба имзо расид. Аз санадҳои баимзорасида зиёда аз 183 адади онро Ёддошти тафоҳум оид ба ҳамкорӣ, 20 санадро содироти молу маҳсулот аз Ҷумҳурии Тоҷикистон ба кишварҳои хориҷаи дуру наздик ва 40 санадро хариди молу маҳсулот, таҷҳизот аз кишварҳои хориҷӣ барои ворид ба Ҷумҳурии Тоҷикистон ташкил медиҳанд.
Шаҳлои САДРИДДИН,
АМИТ «Ховар»
АКС: АМИТ «Ховар»
Дар Агентии обуҳавошиносӣ риояи Чаҳорчӯбаи васеъшудаи шаффофият дар доираи Созишномаи Парижро баррасӣ карданд
Масъалаи таъсиси корхонаи коркарди пашм ва бунёди боғи пистаи туркӣ дар вилояти Хатлон баррасӣ гардид
Бахшида ба Рӯзи кормандони мақомоти бехатарии озуқаворӣ ҳамоиш баргузор шуд
Байни Ҳукумати Тоҷикистон ва ширкатҳои «Канзи Диёр», «ТВЕА Душанбе саноати кӯҳӣ» созишномаҳои сармоягузорӣ ба имзо расид
Бо иштироки муовини Сарвазири Тоҷикистон дар Рашт оид ба истифодаи ғайриқонунии неруи барқ ҷаласаи гурӯҳи корӣ баргузор шуд
Масъалаи таъсиси парки муштараки саноатии Тоҷикистону Эрон баррасӣ карда шуд
Сардори Хадамоти алоқаи Тоҷикистон дар ҷаласаи роҳбарони мақомоти алоқаи кишварҳои ИДМ иштирок намуд
Тоҷикистон ва Беларус ҳамкории зиддикоррупсиониро тақвият мебахшанд
Дастовардҳои Тоҷикистон дар соҳаи ҳифзи муҳити зист ва иқлим дар «Eco Expo Central Asia 2026» муаррифӣ гардид
Ҳайати Тоҷикистон дар иҷлосияи вазирони саноати давлатҳои аъзои СҲШ иштирок намуд
Ҳайати Тоҷикистон дар Форуми байналмилалии иқтисодии Санкт-Петербург иштирок намуд
РӮЗИ БАЙНАЛМИЛАЛИИ МУҲИТИ ЗИСТ. Табиат ба инсон зиндагӣ мебахшад ва онро бояд ҳифз намуд
