НИШАСТИ МАТБУОТӢ. Соли 2024 дар Тоҷикистон беш аз 247 ҳазор ҷойи кори нав таъсис дода шуд
ДУШАНБЕ, 11.02.2025 /АМИТ «Ховар»/. Соли 2024 аз ҷониби шахсони ҳуқуқӣ ва воқеӣ дар Ҷумҳурии Тоҷикистон дар маҷмуъ 247,1 ҳазор ҷойи кори нав, аз ҷумла 167,4 ҳазор ҷойи кор дар бахши воқеӣ ва 79,1 ҳазор дар бахши хизматрасонӣ таъсис дода шуд. Дар ин хусус имрӯз зимни нишасти матбуотӣ Вазири меҳнат, муҳоҷират ва шуғли аҳолии Ҷумҳурии Тоҷикистон Солеҳа Холмаҳмадзода иттилоъ дод.
Солеҳа Холмаҳмадзода ҳамчунин гуфт, ки шумораи ҷойҳои кории нав таъсисшуда соли 2024 нисбат ба соли 2023 16,4 ҳазор адад зиёд мебошад. Дар бахши воқеии иқтисодиёт ҳиссаи бештар- 108,6 ҳазор ҷойи кор ба соҳаи кишоварзӣ, шикор, хоҷагии ҷангал ва моҳипарварӣ рост омада, 39,6 ҳазори дигар дар соҳаи сохтмон мебошад.
Ҳамзамон иттилоъ дода шуд, ки дар ҷумҳурӣ зиёда аз 280 ҳазор нафар дар даврҳои кӯтоҳмуддати касбомӯзӣ ба таълими касбӣ фаро гирифта шуданд.
Зимни нишаст Вазири меҳнат, муҳоҷират ва шуғли аҳолӣ иброз намуд, ки дар самти ба касбомӯзӣ фаро гирифтани шаҳрвандони мамлакат Муассисаи давлатии «Маркази таълими калонсолони Тоҷикистон» саҳми назаррас дорад. Ҳиссаи он аз шумораи умумии шахсони ба касбомӯзӣ фарогирифта ба 73 фоиз баробар шуда, 40 546 нафарро дар бар мегирад.
Шаҳрвандони ҷумҳурӣ бештар аз рӯйи касбу ихтисосҳои дӯзандагӣ, кафшергари барқӣ, барқчӣ, асосҳои компютерӣ, қаннодӣ, челонгари таҷҳизоти сантехникӣ, ошпаз, ороишгари мӯй ва рӯй ба омӯзиш фаро гирифта шудаанд.
Шаҳлои САДРИДДИН,
АМИТ «Ховар»
АКС: АМИТ «Ховар»
ТАРЗИ ҲАЁТИ СОЛИМ. Давидан барои саломатии инсон чӣ фоида дорад?
Оид ба нақши Президенти Тоҷикистон дар рушди забони давлатӣ бо ҷавонони фаъоли шаҳри Бохтар вохӯрӣ доир шуд
ОГОҲӢ! 18-20 май дар Тоҷикистон хатари сар задани сел ва баландшавии сатҳи оби дарёҳо пешгӯӣ мегардад
Соли 2026 дар Ёвон 6 маротиба намоиши ҷойи кори холии доимӣ ва мавсимӣ баргузор гардид
«СУРУДИ ҶАВОНӢ». Бахшида ба Рӯзи ҷавонони Тоҷикистон дар боғҳои пойтахт барномаҳои идона баргузор мегарданд
«ЯК РӮЗИ ҶАВОНӢ». Дар муассисаҳои таҳсилоти олӣ ва миёнаи касбии Тоҷикистон силсилавохӯриҳо доир мешаванд
Оид ба иҷрои «Барномаи давлатии мусоидат ба шуғли аҳолии Ҷумҳурии Тоҷикистон барои солҳои 2023-2027» ҷаласа баргузор шуд
Дар шаҳраки Адрасмон бахшида ба Рӯзи байналмилалии оила ҳамоиши идона доир гардид
ОИЛА-МАКОНИ МЕҲРУ САДОҚАТ. Дар ноҳияи Варзоб барномаи фарҳангию фароғатӣ баргузор шуд
Дар Ҳисор бахшида ба Рӯзи байналмилалии оила ҳамоиши идона доир гардид
Доир ба масъалаи масъулияти блогерон дар таъмини фазои иттилоотӣ вохӯрӣ баргузор шуд
КОНФРОНСИ 35-УМИ МИНТАҚАВИИ СОЗМОНИ ОЗУҚАВОРӢ ВА КИШОВАРЗИИ СММ. Оид ба нақши занон дар таъмини амнияти озуқаворӣ ҳамоиш доир шуд
