Подшоҳи Марокаш мардуми мамлакаташро даъват намуд, ки аз забҳи чорво худдорӣ намоянд
ДУШАНБЕ, 28.02.2025 /АМИТ «Ховар»/. Подшоҳи Марокаш Муҳаммади VI аз мардуми Марокаш даъват ба амал овард, ки бо сабаби коҳиши саршумори чорво дар ин кишвар бар асари хушксолии чандинсола имсол аз забҳи гӯсфанд хусусан дар иди Қурбон худдорӣ намоянд.
Тавре АЗЕРТАҶ бо истинод ба агентии «Reuters» иттилоъ медиҳад, муроҷиатномаи дахлдори подшоҳро ба мардум вазири авқоф ва корҳои исломӣ Аҳмад Тавфиқ ба воситаи телевизион хонд.
Тибқи маълумоти расмӣ, бар асари хушксолиҳои пайдарпай саршумори чорво ва гӯсфандон дар Марокаш соли 2025 38 фоиз коҳиш ёфтааст.
«Вазифаи мо- барои шумо фароҳам овардани имкони иҷрои ин маросими мазҳабӣ дар шароити беҳтарин аст. Вале он имрӯз бо мушкилоти иқлимӣ ва иқтисодие ҳамроҳ аст, ки кишвари мо бо он рӯбарӯ гардидаю ин сабаби хеле кам шудани саршумори чорво шудааст», — гуфта мешавад дар номаи Муҳаммади VI.
«Гузаронидани маросим дар ин шароити вазнин ба аксарияти мардум, бахусус онҳое, ки даромади маҳдуд доранд, зарари ҷиддӣ мерасонад», — гуфт подшоҳ.
Бориши имсола дар 30 соли охир ба ҳисоби миёна 53 фоиз паст буд, ки сабаби нарасидани чарогоҳ барои чорво шуд. Истеҳсоли гӯшт коҳиш ёфт, ки ин боиси болоравии нарх дар бозори дохилӣ ва афзоиши воридоти чорвои зинда, гӯсфанд ва гӯшти сурх гардид.
Чанде пеш мамлакат барои аз Австралия овардани то 100 ҳазор cap гӯсфанд шартнома ба имзо расонид.
Дар буҷети соли 2025 Марокаш боҷҳои воридотӣ ва андоз аз арзиши изофаро барои чорвои калон, гӯсфанд, шутур ва ғайра қатъ намуд, то нархҳои дохилиро ба таври муътадил нигоҳ дорад.
АКС аз манбаъҳои боз
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
