Ширкатҳои саноати нассоҷии Тоҷикистон дар намоишгоҳи бузурги ҷаҳонии «Bharat Tex-2025»-и Ҳиндустон иштирок доранд
ДУШАНБЕ, 15.02.2025 /АМИТ «Ховар»/. Намояндагони Вазорати саноат ва технологияҳои нави Ҷумҳурии Тоҷикистон, соҳибкорон ва ширкатҳои нассоҷии Тоҷикистон, аз қабили «Ҷунтай Данғара Син Силу Текстил», «Арвис», «Пиллаи Тоҷик», «Ҷавонӣ», «Атласи Хуҷанд», «Сапфир», «Фаррух СС» ва Ширкати консалтингӣ дар соҳаи нассоҷӣ дар намоишгоҳи бузурги ҷаҳонии нассоҷӣ — «Bharat Tex -2025», ки 14 феврал дар пойтахти Ҳиндустон- шаҳри Деҳлӣ оғоз ёфт, иштирок доранд. Дар ин хусус АМИТ «Ховар» бо истинод ба Вазорати саноат ва технологияҳои нави Ҷумҳурии Тоҷикистон иттилоъ медиҳад.
Ҳадафи намояндагони корхонаю ширкатҳои нассоҷии Тоҷикистон аз иштирок дар намоишгоҳи «Bharat Tex -2025» табодули таҷриба, инчунин дарёфти харидорони нав, хариди дастгоҳу таҷҳизоти нассоҷӣ, дӯзандагӣ ва дигар ашёи хоми соҳаи нассоҷӣ ва дӯзандагӣ мебошад.
Намоишгоҳи бузурги ҷаҳонии нассоҷӣ — «Bharat Tex -2025» бо ибтикори Шурои консорсиум оид ба пешбурди содироти нассоҷӣ (TERC) ва дастгирии Вазорати нассоҷии Ҳиндустон гузаронида шуда, дар назар аст, ки дар он беш аз 5 миллион нигоранда ва 6 миллион харидори байналмилалӣ аз 110 кишвари ҷаҳон ва зиёда аз 120 000 меҳмон иштирок кунанд. Дар намоишгоҳи байналмилалии «Bharat Tex -2025» тамоми соҳаи саноати нассоҷӣ, аз матоъҳои бофандагии анъанавӣ то дастгоҳу технологияҳои пешрафта намоиш дода мешаванд, ки бозгӯи мероси ғанӣ ва қобилияти муосири Ҳиндустон мебошад. Инчунин дар ҳошияи намоишгоҳи бузурги ҷаҳонии нассоҷӣ — «Bharat Tex -2025» вохӯрию суҳбатҳои доираҳои нассоҷону соҳибкорон дар қолаби G2G /давлат бо давлат/ ва B2B /соҳибкор бо соҳибкор/ баргузор гардида, дар он масъалаҳои марбут ба таҳкими ҳамкорӣ бо намояндагони саноати нассоҷии Ҳиндустон ва дигар давлатҳои ҷаҳон баррасӣ мегарданд.
Тоҷикистон рушди саноати нассоҷиро яке аз бахшҳои афзалиятноки иқтисоди мамлакат арзёбӣ менамояд. Иштироки намояндагони Тоҷикистон дар намоишгоҳи байналмилалии «Bharat Tex -2025» барои барқарор кардани робитаҳо дар қолабҳои G2G ва B2B, ташкили шарикии тиҷоратӣ ва ҷалби сармоягузорӣ дар тамоми занҷираи саноати нассоҷӣ имкони мусоид фароҳам меорад.
Вазорати саноат ва технологияҳои нави мамлакат дар ҳамкорӣ бо Сафорати Ҷумҳурии Ҳиндустон дар Ҷумҳурии Тоҷикистон барои таъсиси корхонаи муштараки Маҷмааи нассоҷӣ ва коркарди ниҳоии нахи пахта дар Ҷумҳурии Тоҷикистон бо назардошти дастрас намудани дастгоҳу таҷҳизоти истеҳсоли Ҳиндустон бо фоизҳои пасти имтиёзнок аз сармояи Ҳиндустон кор мебарад.
Намоишгоҳи ҷаҳонии нассоҷӣ — «Bharat Tex -2025» то 17 феврали соли 2025 идома меёбад.
Марзия САИДЗОДА,
АМИТ «Ховар»
АКС аз манбаъҳои боз
Корхонаи воҳиди давлатии «Почтаи Тоҷикистон» фаъолияташро дар шакли муосир ба роҳ мондааст
Дар Тоҷикистон 1028 гармхонаи доимамалкунанда мавҷуд аст
Пешвои миллат Эмомалӣ Раҳмон дар ноҳияи Бобоҷон Ғафуров корхонаи коркарди меваю сабзавот, истеҳсоли нӯшокиҳои ташнагишикан ва афшураҳои мевагии ҶДММ «Сирдарё»-ро ба истифода доданд
Дар ноҳияи Ҷайҳун ҷамъоварии сабзӣ идома дорад
Президенти Ҷумҳурии Тоҷикистон Эмомалӣ Раҳмон дар шаҳри Бӯстон корхонаи истеҳсоли хӯроки чорво ва парандаи ҶДММ «Базаи таъминот»-и ширкати Барсро ифтитоҳ намуданд
МАВСИМИ ХУРМО ФАРО РАСИД. Аз истеъмоли ин мева барои саломатӣ истифода бояд бурд
Барои кишти соли 2027 беш аз 218 ҳазор тонна картошкаи тухмӣ захира мегардад
Дар нуҳ моҳи соли 2026 беш аз 15 ҳазор аъзои иттифоқи касаба ба солимгардонӣ фаро гирифта шуданд
Рушди низоми миллии зондкунии фосилавии Замин дар Тоҷикистон баррасӣ гардид
Дар Тоҷикистон вазъи мелиоративии беш аз 91 ҳазор гектар замин беҳтар гардонида мешавад
БЕХАТАРИИ КӮДАКОНРО ДАР РОҲҲО ЗЕҲНИ СУНЪӢ ТАЪМИН МЕСОЗАД. Байни Тоҷикистон ва Корея санади ҳамкорӣ ба имзо расид
Роҳи мошингарди Ваҳдат – Роғун дар муҳлати якуним сол сохта, ба истифода дода мешавад
