Вобаста ба тақвияти ҳамкории ҷомеа бо мақомоти корҳои дохилӣ ҳамоиши илмӣ-амалӣ доир шуд
ДУШАНБЕ, 14.02.2025. /АМИТ «Ховар»/. Дар Академияи Вазорати корҳои дохилии Ҷумҳурии Тоҷикистон дар мавзуи «Ташаккули раванди ҳамкории ҷомеа бо мақомоти корҳои дохилӣ — воситаи устувори ваҳдати миллӣ» ҳамоиши илмӣ-амалӣ баргузор гардид.
Тавре ба АМИТ «Ховар» аз Академияи Вазорати корҳои дохилии Ҷумҳурии Тоҷикистон хабар доданд, иштирокчиёни ҳамоиш аз рисолати касбии кормандони мақомоти милитсия ёдовар шуда, иброз доштанд, ки пешрафти ҳаёти ҷомеа аз ваҳдати миллӣ, суботу амният ва таъмини оромию тартиботи ҷамъиятӣ вобаста аст. Дар замони кунунӣ иҷрои ин вазифаи муҳим ба зиммаи кормандони мақомоти ҳифзи ҳуқуқ ва сохторҳои низомӣ, алалхусус мақомоти милитсия вогузор гардидааст.
Раиси Кумитаи иҷроияи Ҳаракати ваҳдати миллӣ ва эҳёи Тоҷикистон Рудобаи Мукаррам изҳор дошт, ки нақши мақомоти милитсия дар таҳкиму тақвияти ваҳдати миллӣ, суботи сиёсӣ, амнияти ҷамъиятӣ ва рушди низоми давлату давлатдорӣ дар мадди аввал қарор дорад. Ин рисолату вазифаи муқаддас ҳар кормандро водор месозад, ки бо дилу нияти пок, азму иродаи қавӣ ва эҳсоси масъулият барои иҷрои рисолати касбии хеш талош намуда, садоқат ба халқу Ватанро ҳамеша пос дорад.
«Мо бояд дар самти омӯзишу пажуҳиш аз таҷрибаи таърихии гузаштагони миллатамон ибрат гирем, маърифати ҳуқуқии аҳли ҷомеаро баланд бардорем, барои аз миён бурдани ҳама гуна зуҳуроти номатлуб ҳамкории судманд намоем ва дар тақвияти ҷомеаи қонунмеҳвар саҳм гузорем», — гуфта шуд дар ҳамоиш.
Дар айни замон дар мамлакат «Барномаи ислоҳоти милитсия барои солҳои 2021-2025» амал менамояд, ки мақсади он тағйир ва такмил додани сохтори ташкилию ҳуқуқӣ, самтҳои асосӣ, принсипҳои фаъолият, мавқеи милитсия дар низоми мақомоти иҷроияи маҳаллии ҳокимияти давлатӣ, рушди ҳамкории мутақобил бо ҷомеа, кафолати давлатии ҳуқуқӣ ва иҷтимоӣ, таъминоти молиявӣ ва моддию техникӣ, дигаргун намудани симои иҷтимоии корманд ва назорати фаъолияти милитсия мебошад.
Яке аз самтҳои асосии барнома ҳамкории мутақобил бо ҷомеа ба ҳисоб меравад. Мақсади ин ҳамкорӣ, пеш аз ҳама, баланд бардоштани сатҳи дастрасии хизматрасонии милитсия ба ҷомеа, таъмини ҳимояи ҳуқуқу озодиҳои инсон ва шаҳрванд, таъмини муҳити бехатар ва афзоиши эътимоди шаҳрвандон ба мақомоти милитсия мебошад.
АКС: Академияи Вазорати корҳои дохилӣ
Дар Душанбе ҷаласаи Платформаи миллӣ оид ба паст намудани хавфи офатҳои табиӣ баргузор гардид
Котиби Шурои амнияти Ҷумҳурии Тоҷикистон бо Сафири Русия дар Тоҷикистон мулоқот намуд
Ҷаласаи корӣ бо иштироки роҳбарони мақомоти марказии иҷроияи ҳокимияти давлатии Ҷумҳурии Тоҷикистон доир гардид
ПЕШГИРИИ СӮХТОР. Қоидаҳо бар зидди сӯхторро қатъиян бояд риоя намуд
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
