«АМНИЯТИ ОЗУҚАВОРӢ-КАФИЛИ СОЛИМӢ ВА ДАРОЗУМРӢ». Дар ин мавзуъ конференсияи илмӣ гузаронида шуд
ДУШАНБЕ, 01.03.2025. АМИТ «Ховар»/. Дар доираи татбиқи ҳадафҳои «Стратегияи рушди миллии Ҷумҳурии Тоҷикистон оид ба таъмини бехатарии озуқаворӣ» ва Солҳои рушди саноат (2022-2026) дар Донишгоҳи технологии Тоҷикистон дар мавзуи «Амнияти озуқаворӣ-кафили солимӣ ва дарозумрӣ» конференсияи илмӣ-амалии ҷумҳуриявӣ баргузор гардид. Дар ин хусус ба АМИТ «Ховар» аз ин донишгоҳ иттилоъ доданд.
Ректори Донишгоҳи технологии Тоҷикистон Зоир Раҳмонзода иброз намуд, ки Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олӣ дастёбӣ ба истиқлолияти озуқаворӣ ва амнияти ҷумҳуриро яке аз ҳадафҳои стратегии давлат арзёбӣ намуданд. Дар ин самт махсусан таъкид гардид, ки бахши дигари муҳими иқтисодиёти миллӣ кишоварзӣ мебошад, ки амнияти озуқавории мамлакат асосан аз сатҳи тавсеаи он вобастагӣ дорад.
Новобаста аз афзоиши талабот ба молу маҳсулоти соҳаи кишоварзӣ роҳбарияти Ҳукумати Ҷумҳурии Тоҷикистон тавассути барномаҳои давлатӣ дар самти таъмини амнияти озуқаворӣ аз ҳамаи захира ва имконият самаранок истифода бурда, рушди манбаъҳои соҳаи кишоварзиро таъмин менамоянд.
Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олӣ 28 декабри соли 2024 ба Ҳукумати мамлакат, Вазорати кишоварзӣ ва вазорату идораҳои дахлдор супориш доданд, ки дар шароити болоравии нархҳо дар бозорҳои ҷаҳонӣ барои боз ҳам баланд бардоштани сатҳи таъминоти аҳолӣ бо маҳсулоти ватанӣ Барномаи амнияти озуқавории мамлакатро барои панҷ соли оянда қабул ва амалӣ намоянд.
Нақши донишгоҳҳо ва муассисаҳои илмӣ дар омӯзиш, таҳлил ва пешниҳоди роҳҳои ҳалли мушкилоти мавҷуда низ бағоят муҳим аст. Донишгоҳи технологии Тоҷикистон, ки яке аз донишгоҳҳои пешбари омодасозии мутахассисони баландихтисос дар соҳаи саноати хӯрокворӣ мебошад, дар доираи талаботи барномаҳои таълимӣ ва илмӣ аз рӯйи 9 ихтисос мутахассисони соҳаҳои муҳими технологияи хӯрокворӣ, назорати сифат ва бехатарии озуқаворӣ ва дигар самтҳоро омода менамояд.
Дар конференсияи илмӣ-амалии ҷумҳуриявӣ дар мавзуъҳои «Бехатарии озуқаворӣ дар истеҳсоли шарбати меваҳо», «Бехатарии ғизо-омили солимии инсон» ва «Моддаҳои фаъоли биологии ашёи хоми растании маҳаллӣ дар таъмини сифат ва бехатарии махсулоти озуқаворӣ» маърузаҳо шунида шуданд.
АКС: Донишгоҳи технологии Тоҷикистон
IRS: Дар шоҳроҳи Душанбе — Чаноқ баландии барф то 15 сантиметр мерасад
Дар «Саноатсодиротбонк» ба муносибати Рӯзи Конститутсияи Ҷумҳурии Тоҷикистон ҳамоиш доир шуд
Имрӯз дар ноҳияҳои кӯҳии Тоҷикистон бориши борон ва барф дар назар аст
МегаФон Тоҷикистон U-17-ро дар чемпионати ҷаҳон – 2025 дар Қатар дастгирӣ намуд
Имрӯз дар баъзе ноҳияҳои Тоҷикистон борон меборад
Дар ноҳияи Лахш бо усули «Деҳа ба деҳа» ва «Маҳалла ба маҳалла» суҳбату вохӯриҳо доир гардид
Бахшида ба 100-солагии Омӯзгори хизматнишондодаи Тоҷикистон Хосият Махсумова ҳамоиши илмӣ-маърифатӣ баргузор шуд
Муассисаҳои таълимӣ ва тандурустии ноҳияи Шаҳринав барои давраи тирамоҳу зимистон омода карда шуданд
Имрӯз дар доманакӯҳои Тоҷикистон ҳаво то 20 дараҷа гарм мешавад
АГЕНТИИ ОБУҲАВОШИНОСӢ ОГОҲ МЕНАМОЯД. Аз 2 то 5 ноябр дар Тоҷикистон борону барф пешгӯӣ мешавад
«LONELY PLANET»: Маконҳое, ки дар Тоҷикистон ҳатман бояд онҳоро тамошо кард
САРНАВИШТИ ЗАНИ САЗОВОР. Бахшида ба 100-солагии Омӯзгори хизматнишондодаи Тоҷикистон Хосият Махсумова китоб ба нашр расид
