Аз 24 то 27 март дар Тоҷикистон ҳавои тағйирёбанда пешгӯӣ шуда, борон меборад
ДУШАНБЕ, 24.03.2025. /АМИТ «Ховар»/. Аз 24 то 27 март дар ҷумҳурӣ ҳавои тағйирёбанда пешгӯӣ шуда, дар баъзе минтақаҳо борон меборад. Дар ноҳияҳои ҷанубӣ ва марказии ҷумҳурӣ чангу ғубор ба амал меояд. Дар водиҳо борон ва дар ноҳияҳои доманакӯҳию кӯҳӣ бориши борону барф дар назар аст. Дар ин хусус АМИТ «Ховар» бо истинод ба Агентии обуҳавошиносии мамлакат иттилоъ медиҳад.
Тибқи иттилои манбаъ, 25 март дар баъзе минтақаҳои вилояти Хатлон ва ноҳияҳои тобеи ҷумҳурӣ ба амал омадани раъду барқ ва боридани жола аз эҳтимол дур нест. Инчунин 24-25 март дар ноҳияҳои алоҳида шамол аз самти ғарб бо суръати то 15-20 метр дар як сония мевазад.
Аз 24 то 28 март бо сабаби бориши борон дар шоҳроҳи нақлиётгарди Душанбе — Чанок — Хуҷанд (километрҳои 48-74-уми шоҳроҳ) ва ноҳияҳои ғарбии Вилояти Мухтори Кӯҳистони Бадахшон фаромадани тарма пешгӯӣ мешавад. Инчунин 25-27 март дар дарёҳои Ёхсӯ, Қизилсӯ (ҷанубӣ) ва дарёҳои аз нишебиҳои ҷанубии қаторкӯҳҳои Ҳисор ҷоришаванда баландшавии сатҳи об ва дар ноҳияҳои доманакӯҳию кӯҳии ҷумҳурӣ сар задани сел пешгӯӣ мешавад.
АКС: АМИТ «Ховар»
Дар Тоҷикистон корҳои омодагӣ барои истироҳати тобистонаи кӯдакон ва наврасон оғоз гардид
Дар Вазорати меҳнат, муҳоҷират ва шуғли аҳолии Тоҷикистон татбиқи методологияи таҳлили хавфҳои коррупсионӣ баррасӣ шуд
Ҳайати Тоҷикистон дар ҷаласаи 70-уми Комиссияи Созмони Милали Муттаҳид оид ба мақоми зан иштирок дорад
ГРАНТИ ПРЕЗИДЕНТӢ. Занони хоҳишманд метавонанд лоиҳаҳои грантиро пешниҳод намоянд
Дар Тоҷикистон ҳавои номусоид то 11 март боқӣ мемонад
Эмомалӣ Раҳмон: «Модарон дар тарбияи насли нав масъулияти беназир доранд»
Табиат мекунад моро табобат! Сиёҳалаф дорои витаминҳои табиӣ мебошад
Пешвои миллат: «Занон дар ҳама соҳаҳои рушди Тоҷикистон саҳми арзанда доранд»
Эмомалӣ Раҳмон: «Модарон намунаи ахлоқ ва масъулияти ҷомеа мебошанд»
Эмомалӣ Раҳмон: «Донишмандии зан омили пешрафти тамоми миллат аст»
ЗАН БЕҲТАРИН ВА ОХИРИН ТУҲФАИ ОСМОНӢ АСТ. Гуфтаҳои бузургон дар васфи Зан – Модар
ҲАМДУ САНО БА ЗАН-МОДАР, КИ МУҲАББАТИ Ӯ ИНТИҲО НАДОРАД. Иқтибосҳо аз суханрониҳои Президенти Тоҷикистон Эмомалӣ Раҳмон
