Дар Академияи идоракунии давлатӣ доир ба тағйирёбии иқлим ва ҳифзи пиряхҳо конференсияи ҷумҳуриявӣ доир шуд
ДУШАНБЕ, 21.03.2025 /АМИТ «Ховар»/. «Масъалаҳои тағйирёбии иқлим, ҳифзи пиряхҳо ва дурнамои онҳо»-таҳти ин унвон дар Академияи идоракунии давлатии назди Президенти Ҷумҳурии Тоҷикистон конференсияи ҷумҳуриявии илмӣ — назариявӣ баргузор шуд, хабар медиҳад АМИТ «Ховар» бо истинод ба академия.
Дар конференсия иштирокдорон доир ба мавзуъҳои ташкили мактаби илмии пиряхшиносии тоҷик ва эътирофи он дар ҷаҳон ҳамчун раванди иҷрои ташабусҳои Президенти Тоҷикистон муҳтарам Эмомалӣ Раҳмон ва дигар мавзуъҳои дахлдор сухан намуданд.
Таъкид шуд, ки ташаббусҳои ҷаҳонии Тоҷикистон дар самти истифодаи оқилонаи об ва ҳифзи пиряхҳо назаррас буда, маҳз бо пешниҳоди Сарвари давлати мо дар сатҳи Созмони Милали Муттаҳид якчанд чорабиниҳои байналмилалӣ баргузор ва иқдоми созанда пешниҳод шуданд.
Бо мақсади ҳалли масъалаҳои обу экология бо ташаббуси Президенти Тоҷикистон муҳтарам Эмомалӣ Раҳмон соли 2025 ҳамчун Соли байналмилалии ҳифзи пиряхҳо, 21 март ҳамчун Рӯзи байналмилалии ҳифзи пиряхҳо эълон шуд. Дар радифи онҳо Хазинаи боэътимоди байналмилалӣ барои саҳмгузорӣ ба ҳифзи пиряхҳо таъсис дода шуд.
Иброз гардид, ки 12 ноябри соли 2024 Президенти ҷумҳурӣ дар шаҳри Бокуи Ҷумҳурии Озарбойҷон дар чорабинии сатҳи баланд оид ба амалишавии қатъномаи Маҷмаи Умумии Созмони Милали Муттаҳид дар бораи эълони соли 2025 ҳамчун Соли байналмилалии ҳифзи пиряхҳо таъкид намуданд, ки «зери таъсири тағйирёбии илқим пиряхҳо, ки нозуктарин объектҳои обӣ мебошанд ва ба таври умум 75 фоизи захираҳои асосии оби тоза ба ҳисоб мераванд, босуръат коҳиш меёбанд. Аз ин рӯ, барои ҳалли ин масъалаи муҳими глобалӣ амалҳои фаврӣ ва дастҷамъонаи ҷомеаи ҷаҳонӣ зарур мебошанд».
Хушбахтона, Тоҷикистон дорои захираҳои бузург ва беназири сарватҳои обӣ мебошад. Вале бо вуҷуди ин, дар баъзе манотиқи ҷумҳурӣ масъалаҳои экологии вобаста ба об, истифодаи оқилона ва ҳифзи манобеи он, бахусус обшавии пиряхҳо ташвишовар ва нигаронкунанда мебошанд.
Ҳамчунин иброз гардид, ки дар солҳои соҳибистиқлолӣ тамоми соҳаҳои ҳаёти ҷамъиятӣ рушду тараққиёти бесобиқа пайдо намуд. Дар ин замина барои рушди соҳаи маориф ва илм, пешрафти илмҳои бунёдӣ ва техникаю технология заминаи мувофиқ фароҳам оварда шуд, ки метавонад ба рушди давлат мусоидат намояд.
АКС: Академияи идоракунии давлатии назди Президенти Ҷумҳурии Тоҷикистон
Қоҳир Расулзода Конфронси байналмилалии сатҳи баланд оид ба ҳифзи пиряхҳоро натиҷагирӣ намуд
Сироҷиддин Муҳриддин бо роҳбарони ҳайатҳои кишварҳо ва созмонҳои байналмилалӣ мулоқотҳои судманд анҷом дод
Шамс Аббосӣ: «Таҳти роҳбарии Эмомалӣ Раҳмон мардуми тоҷик дар самти мубориза бо тағйирёбии иқлим ва пешбурди донишҳои экологӣ қадамҳои бузург мегузоранд»
Султон Ҷамшед: «ВАО-и Тоҷикистон дар инъикоси кори конфронси сатҳи баланд муваффақ буд»
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Дар Душанбе масоили кунунии мониторинги пиряхҳо дар Осиёи Марказӣ баррасӣ шуд
Кристин Мишел: «Дар масъалаи тағйирёбии иқлим ва ҳифзи пиряхҳо давлатҳои ҷаҳон бояд муттаҳид бошанд»
Камолиддин Назирзода: «Конфронси байналмилалии сатҳи баланд оид ба ҳифзи пиряхҳо барои тақвияти ҳамкорӣ такони бузург аст»
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Он самтҳои калидии ҳамкории байналмилалӣ, таҳқиқоти илмӣ ва қарорҳои сиёсиро фаро мегирад
Лидия Брито: «ЮНЕСКО Эъломияи Душанбе оид ба ҳифзи пиряхҳоро дастгирӣ намуда, ҳамеша дар паҳлуи ҷомеаи ҷаҳонӣ қарор мегирад»
Қобилҷон Хушвахтзода: «Ташаббусҳои Пешвои миллат оид ба масоили об дар ҳалли масъалаҳои истифодаи оқилонаи захираҳои обии сайёра нақши муҳим доранд»
