Дар Донишгоҳи давлатии Кӯлоб Рӯзи дарҳои кушод баргузор шуд
ДУШАНБЕ, 01.03.2025 /АМИТ «Ховар»/. 28 феврал дар Донишгоҳи давлатии Кӯлоб ба номи Абӯабдуллоҳи Рӯдакӣ барои шиносо намудани хатмкунандагони муассисаҳои таҳсилоти миёнаи умумӣ бо имконот ва заминаи моддию таълимии донишгоҳ Рӯзи дарҳои кушод баргузор гардид.
Тавре ба АМИТ «Ховар» дар ин донишгоҳ хабар доданд, 400 хатмкунандаи муассисаҳои таҳсилоти миёнаи умумии шаҳру ноҳияҳои минтақаи Кӯлоб бо намоиши дастовардҳои донишгоҳ, омӯзгорон ва донишҷӯён шинос шуданд. Ба довталабон оид ба фаъолияти донишгоҳ ва факултетҳо варақаҳои маълумотию тарғиботӣ пешкаш карда шуданд.
Зимни муаррифии имконоту дастовардҳои муассисаи таълимӣ иброз гардид, ки Донишгоҳи давлатии Кӯлоб яке аз муассисаҳои бонуфузи таълимии ҷумҳурӣ дар самти омодасозии мутахассисони соҳаи омӯзгорӣ ба шумор рафта, барои баланд бардоштани дараҷаи касбияти омӯзгорон, хосса омӯзгорони ҷавон, тақвияти зарфияти илмии муассиса, такмили барномаҳои таълимӣ, тарғибу ташвиқи идеяҳои ваҳдати миллӣ ва дастовардҳои истиқлоли давлатӣ байни донишҷӯён иқдоми мушаххас амалӣ менамояд.
Донишгоҳи давлатии Кӯлоб қабули довталабонро барои соли таҳсили 2025-2026 дар 10 факултет бо 63 ихтисос эълон намудааст. Донишгоҳ дорои хобгоҳи замонавӣ барои донишҷӯёну омӯзгорон, 8 марказ, аз ҷумла маркази омӯзиши забонҳои хориҷӣ, маркази таълимӣ-машваратии «Дурахшон», табъу нашр, рушди касбият, ҳунарҳои мардумӣ, синфхонаҳои муҷаҳҳаз бо технологияи замонавӣ, китобхонаи барҳаво, китобхонаи электронии пайваст бо интернети баландсуръат, Парки технологӣ, қитъаҳои таҷрибавию истеҳсолӣ, лабораторияҳо мебошад. Ба муҳассилин 502 нафар мутахассисони соҳибтаҷриба, профессорон ва докторону номзадҳои илм таълим медиҳанд.
Дар донишгоҳ шуъбаи тайёркунӣ ва азнавтайёркунии кадрҳо, шуъбаи магистратура, докторантураи PhD фаъолият менамояд, ки дар омода намудани кадрҳо саҳми беназир доранд. Танҳо соли 2024 аз ҳисоби омӯзгорон — хатмкунандагони донишгоҳ 1 нафар рисолаи докторӣ ва 18 нафар рисолаи номзадӣ дифоъ намуданд.
АКС: Донишгоҳи давлатии Кӯлоб ба номи Абӯабдуллоҳи Рӯдакӣ
«МАКТАБИ ПЕШСАФ — МАКТАБИ ШАРИК». Дар муассисаҳои таълимии вилояти Хатлон таҳти чунин унвон низоми нав амалӣ карда мешавад
Осори Робиаи Балхӣ ба 10 забони хориҷӣ тарҷума карда шуд
Сарвари давлат Эмомалӣ Раҳмон дар ноҳияи Файзобод бинои нави муассисаи таҳсилоти миёнаи умумии №11-ро мавриди истифода қарор доданд
ИСТИҚЛОЛИ ДАВЛАТӢ ВА РУШДИ ИЛМУ МАОРИФ ДАР ТОҶИКИСТОН. Таҳти чунин унвон конференсияи илмӣ-назариявӣ доир шуд
Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо Бонки Осиёии Рушд баррасӣ гардид
САНАИ САРНАВИШТСОЗИ МИЛЛАТ. Эҳдо ба 35–солагии Истиқлоли давлатии Тоҷикистон
Хонандагони Тоҷикистон дар Олимпиадаи байналмилалии муҳандисӣ-кайҳонӣ сазовори ҷойи дуюм шуданд
ИСТИҚЛОЛИЯТ ВА РУШДИ МАОРИФ. Барои рушди ин соҳа дар Бадахшон зиёда аз 422 миллион сомонӣ пешбинӣ шудааст
ИСТИҚЛОЛИЯТ ВА РУШДИ МАОРИФ. Ҳаҷми маблағгузории соҳаи маориф давоми 25 соли охир 224 баробар зиёд гардид
Дар Сеул оид ба сиёсати рушди сармояи инсонӣ дар соҳаи зеҳни сунъӣ форуми байналмилалӣ доир гардид
Байни Вазорати маориф ва илм ва Маркази байналмилалии иртиботи фарҳангии Малайзия Ёддошти тафоҳум ба имзо расид
Маркази барномаҳои байналмилалӣ қабули ҳуҷҷатҳои довталабонро ба донишгоҳҳои Узбекистон оғоз намуд
