Дар Донишкадаи энергетикии Тоҷикистон оид ба саҳми занон дар рушди энергетика ҳамоиш доир шуд
ДУШАНБЕ, 05.03.2025 /АМИТ «Ховар»/. Бахшида ба Рӯзи Модар ва бо мақсади ҷалби бештари духтарон барои таҳсил дар бахши электроэнергетика дар Донишкадаи энергетикии Тоҷикистон таҳти унвони «Маълумоти олӣ ба духтарони тоҷик дар соҳаи энергетика» бо иштироки намояндагони Вазорати энергетика ва захираҳои оби Ҷумҳурии Тоҷикистон, занони муваффақи соҳа ва хонандагони синфҳои 11-и муассисаҳои таҳсилоти миёнаи умумӣ ҳамоиш баргузор гардид.
АМИТ «Ховар» бо истинод ба Вазорати энергетика ва захираҳои оби ҷумҳурӣ иттилоъ медиҳад, ки ин иқдом бо ташаббуси Вазорати энергетика ва захираҳои об ва Донишкадаи энергетикии Тоҷикистон дар доираи Лоиҳаи минтақавии «Мусоидати Иттиҳоди Аврупо ба ҳамбастагии устувори энергетикӣ дар Осиёи Марказӣ – SECCA» гузаронида шуд. Баланд бардоштани огоҳии духтарон барои фаро гирифтани онҳо ба таҳсил дар бахши электроэнергетика аз ҳадафҳои асосии ҳамоиш маънидод гардид.
Дар ҳамоиш таҷрибаи аврупоии ҷалби занон ба бахши энергетика, дастоварду комёбиҳои занони тоҷик дар бахши энергетика, иқдоми Ҳукумати ҷумҳурӣ доир ба дастгирии таҳсили духтарон, бахусус дар соҳаи энергетика, имконоти Донишкадаи энергетикии Тоҷикистон барои дастрасӣ ба таҳсил, имконияти фароҳам овардани ҷойи кор барои занон дар бахши энергетикаи мамлакат ва дастовардҳои донишҷӯдухтарони донишкада вобаста ба таҳсил баррасӣ гардиданд.
Баргузории чунин ҳамоишҳо барои ҷалби духтарон ба муассисаҳои таҳсилоти олии касбие, ки дар самти энергетика мутахассис омода менамоянд, шароити мусоид фароҳам меорад.
Ҳамзамон дар ин замина аз ҳисоби занону духтарон кадрҳои болаёқат ва соҳибтахассус омода шуда, дар рушди ин соҳаи муҳими иқтисоди миллӣ саҳми назаррас мегузоранд.
АКС: Вазорати энергетика ва захираҳои оби Ҷумҳурии Тоҷикистон
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
