Дар Тоҷикистон банаворгирии филми ҳунарии «Моҳӣ барои рафиқ Черчилл» оғоз шуд
ДУШАНБЕ, 10.03.2025. /АМИТ «Ховар»/. Дар доираи «Барномаи рушди кинои Ҷумҳурии Тоҷикистон барои солҳои 2023-2027» аз ҷониби Муассисаи давлатии «Тоҷикфилм» наворбардории филми нави ҳунарӣ бо номи «Моҳӣ барои рафиқ Черчилл» оғоз гардид. Дар ин хусус ба АМИТ «Ховар» аз Муассисаи давлатии «Тоҷикфилм» хабар доданд.
Ин филм ба 80-солагии Ғалаба дар Ҷанги дуюми ҷаҳонӣ бахшида шуда, дар баробари қаҳрамонии ҷанговарони тоҷик дар майдони набард инчунин нақши мардуми тоҷикро дар ақибгоҳ қисса менамояд.
Ҳамчунин филми «Моҳӣ барои рафиқ Черчилл» бо сабку услуби хоси худ дар баробари рӯнамоии саҳнаҳои таърихӣ саҳнаҳои ҷаззоб ва ҳаяҷонангезро низ фаро мегирад.
Яке аз сужаҳои филм ин аст, ки бар асоси маълумоти таърихӣ, Черчилл, ки ошиқи таоми белмоҳӣ буд, хоҳиш менамояд, ки барои хӯроки шом ин навъи нодири моҳиро дастрас намоянд. Ба назари ӯ, ин моҳӣ танҳо дар гӯшаҳои дурдасти Миссисипии Амрико ёфт мешуд. Аммо дар муддати кӯтоҳ хоҳиши ӯ иҷро шуда, белмоҳии хостааш аз дарёи Панҷи Тоҷикистон дастрас карда мешавад.
Ба иттилои масъулини Муассисаи давлатии «Тоҷикфилм», тамошобинон метавонанд интизори филми ҷолиб ва таърихӣ бошанд.
АКС: Муассисаи давлатии «Тоҷикфилм»
«ДУРАХШИ АХТАРОН: ҶОМӢ ВА НАВОӢ». Филм дар арафаи ҷашни Истиқлоли давлатии Тоҷикистон намоиш дода мешавад
Таҳти унвони «Аз ёдҳо фарёдҳо» китоби Садриддин Ҳасанзода нашр гардид
Дар Душанбе рӯзҳои фарҳанги шаҳри Истаравшан ва ноҳияҳои Дӯстӣ ва Носири Хусрав баргузор мешаванд
Рӯзи фарҳанги ноҳияи Мастчоҳ шукуҳманд таҷлил карда шуд
Рӯзи фарҳанги ноҳияи Фархор бо шаҳомати хос баргузор гардид
Рӯзи фарҳанги шаҳри Нораку ноҳияи Ёвон бо намоиши молу маҳсулоти саноатӣ ва кишоварзӣ доир шуд
Имрӯз дар Душанбе Рӯзи фарҳанги шаҳри Норак, ноҳияҳои Фархор, Ёвон ва Мастчоҳ доир мегардад
Пагоҳ Рӯзи фарҳанги шаҳри Норак, ноҳияҳои Фархор, Ёвон ва Мастчоҳ доир мегардад
НИШАСТИ МАТБУОТӢ. «Тоҷикфилм» истеҳсоли се филми пурраметражи ҳунариро ба анҷом расонид
НИШАСТИ МАТБУОТӢ. Кумитаи забон ва истилоҳот фаъолияти 75 ташкилотро мавриди санҷиш қарор дод
Филми ҳунарии «Моҳӣ дар шаст» дар кинофестивали байналмилалии Ярослав соҳиби се ҷоиза шуд
Бо мақсади муаррифии васеи Тоҷикистон як зумра филмҳои мустанад ба забони англисӣ тарҷума ва дубляж гардиданд
