Дар Вазорати мудофиаи Тоҷикистон Наврӯзи хуҷастапайро бошукуҳ таҷлил намуданд
ДУШАНБЕ, 27.03.2025. /АМИТ «Ховар»/. Дар Вазорати мудофиаи мамлакат Наврӯзи оламафрӯзро бо шукуҳу шаҳомати хосса таҷлил гардид. Дар ин хусус ба АМИТ «Ховар» аз ин вазорат хабар доданд.
Дар оғози ҳамоиши ҷашнӣ доир ба иқдому ташаббусҳои созанда ва саҳми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вобаста ба ҷаҳонишавии Наврӯзи хуҷастапай сухан гуфта шуд.
Вазири мудофиаи Тоҷикистон Эмомалӣ Собирзода иброз дошт, ки «Наврӯз рӯзи пирӯзӣ аст, пирӯзии нав бар кӯҳна, нур бар торикӣ, ростӣ бар дурӯғ ва расми хуҷастаи фарҳангие аст, ки наслҳои имрӯзаро аз як сӯ ба таърих ва аз тарафи дигар ба ояндаи умедбахш мепайвандад ва бо тамоми расму оинҳои хоси худ аз ягонагии маънавӣ ва тамаддуни бойи таърихии миллати тоҷик дарак медиҳад».
Тавре иттилоъ дода шуд, дар арафаи таҷлили Наврӯзи байналмилалӣ байни хизматчиёни ҳарбии дастгоҳи марказии Вазорати мудофиа, Ситоди генералии Қувваҳои Мусаллаҳ, навъи қӯшунҳо, муассисаҳои таълимии ҳарбӣ ва дигар ҷузъу том аз рӯйи намудҳои гуногуни варзиш мусобиқа баргузор гардида буд. Дар идомаи ҷамъомади тантанавӣ он натиҷагирӣ ва ғолибони мусобиқа бо Ҷому ифтихорномаҳо сарфароз гардонида шуданд.
Ҳунармандони ансамбли «Шараф»-и шуъбаи фарҳанги маркази матбуот ва иттилооти Вазорати мудофиаи мамлакат бо барномаи рангини консертӣ ба чорабинии фарҳангӣ-фароғатии наврӯзии низомиёни мамлакат шукуҳи хосса зам намуданд.
АКС: Вазорати мудофиаи Ҷумҳурии Тоҷикистон
Барои дарёфти «Ҷоми Вазири мудофиа» мусобиқаи тирпаронӣ баргузор шуд
Вазорати мудофиаи Тоҷикистон: «Ҳангоми таҳияи маводи таблиғотии низомӣ бо истифода аз «зеҳни сунъӣ» риояи оиннома ҳатмӣ аст»
Сабабҳои асосии рух додани садамаҳои нақлиётӣ кадомҳоянд? Ва ё чаро то ҳол ин вазъ нигаронкунанда боқӣ мемонад?
НИШАСТИ МАТБУОТӢ. Прокурори генералии Тоҷикистон аз паҳншавии моддаҳои психотропӣ, хусусан ҳабҳои синтетикӣ дар байни ҷавонон изҳори нигаронӣ намуд
Дар Конибодом оид ба даъвати баҳории ҷавонписарон ба сафи Қувваҳои Мусаллаҳи Тоҷикистон ҷаласаи ситоди шаҳрӣ доир шуд
Ҷаласаи сайёри Комиссияи байниидоравӣ оид ба муқовимат ба савдои одамон доир шуд
НИШАСТИ МАТБУОТӢ. Аз ҷониби мақомоти корҳои дохилӣ 111 гурӯҳи муташаккили ҷиноятӣ дастгир карда шуд
Раёсати Вазорати корҳои дохилӣ дар вилояти Хатлон: «Бар зидди паҳншавии воситаҳои нашъадор якҷоя мубориза барем!»
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
161 нафар муҳоҷирони экологӣ соли 2025 бо қитъаи замин ва кумаки яквақтаинаи моддӣ таъмин карда шуданд
НИШАСТИ МАТБУОТӢ. Дар Тоҷикистон соли 2025 беш аз 200 ҳодисаи табиӣ ба амал омадааст
