Дар вилояти Суғд бо иштироки меҳмонон аз Узбекистон ва Қирғизистон ҳамоиши фарҳангӣ баргузор гардид
ДУШАНБЕ, 29.03.2025 /АМИТ «Ховар»/. 28 март дар Осоишгоҳи «Баҳористон»-и вилояти Суғд бо иштироки аҳли фарҳанги ҷумҳуриҳои Тоҷикистон, Узбекистон ва Қирғизистон таҳти унвони «Шоми дӯстӣ» барномаи фарҳангии бошукуҳ баргузор гардид. Дар ин хусус ба АМИТ «Ховар» аз хадамоти матбуоти Раиси вилояти Суғд хабар доданд.
«Шоми дӯстӣ» дар доираи ҳамоишҳои наврӯзӣ баргузор гардида, ҳадаф аз он таҳкими робитаҳои дӯстона ва фарҳангӣ байни давлатҳои ҳамсоя мебошад.
Иброз гардид, ки Наврӯз дар ҷаҳон чун рамзи сулҳ, дӯстӣ ва ҳамдигарфаҳмӣ шинохта шуда, дар тақвияти муносибат байни халқҳо нақши муҳим мебозад.
Наврӯз яке аз ҷашнҳои миллии ниёгони мо ба ҳисоб рафта, дорои таърихи беш аз шашҳазорсола мебошад. Дар таърихи фарҳанги мардуми мо ҳеҷ анъана ва расму ойине чун ҷашни хуҷастапай ва фархундаи Наврӯз азизу арҷманд ва куҳантар нест.
Ҳамоиши «Шоми дӯстӣ» дар фазои гарму дӯстона ба поён расида, барои иштирокчиён дастархони идонаи наврӯзӣ густурда шуд.
АКС: Хадамоти матбуоти Раиси вилояти Суғд
Имрӯз дар боғҳои шаҳри Душанбе рӯзҳои фарҳанги ноҳияҳои Айнӣ, Хуросон ва Деваштич баргузор мегарданд
АДАБИЁТ ВА ВОҚЕИЯТИ ҲАЁТ
«Шоҳнома»-и Абулқосим Фирдавсӣ дар озмуни байналмилалӣ соҳиби Шоҳҷоиза гардид
Китоби нав таҳти унвони «Роғун» ба табъ расид
Дар Душанбе рӯзҳои фарҳанги ноҳияҳои Айнӣ, Хуросон, Деваштич, Шаҳристон, Данғара ва Кӯҳистони Мастчоҳ баргузор мегарданд
Дар доираи сафари давлатии Президенти Тоҷикистон дар Улан-Батор Рӯзҳои фарҳанги Ҷумҳурии Тоҷикистон ифтитоҳ гардиданд
Дар ноҳияи Нуробод намоиши сайёри «Инъикоси обу пирях дар асарҳои рассомони Тоҷикистон» ифтитоҳ гардид
Филми ҳунарии «Моҳӣ дар шаст» дар Ҷашнвораи байналмилалии филмҳои Созмони ҳамкории Шанхай соҳиби ҷоиза шуд
Имрӯз Рӯзҳои фарҳанги Ҷумҳурии Тоҷикистон дар Муғулистон баргузор мегарданд
Рӯзи фарҳанги шаҳри Левакант дар фазои идона баргузор гардид
Дар Рӯзи фарҳанги шаҳри Хуҷанд дастовардҳои шаҳр муаррифӣ карда шуданд
Имрӯз дар Душанбе Рӯзи фарҳанги ноҳияи Темурмалик доир гардид
