Наврӯзи оламафрӯзро дар Донишгоҳи технологии Тоҷикистон ботантана таҷлил намуданд
ДУШАНБЕ, 23.03.2025. /АМИТ «Ховар»/. Дар Донишгоҳи технологии Тоҷикистон Наврӯзи байналмилалии оламафрӯз бо шукуҳу шаҳомати хоссаи баҳорӣ ва бо анъанаҳои миллии наврузӣ ҷашн гирифта шуд, хабар доданд ба АМИТ «Ховар» аз ин донишгоҳ.
Дар оғоз меҳмонон бо хонҳои наврӯзии оростаи факултету идораҳо ва Литсейи инноватсионии назди донишгоҳ ва анъанаву расму оинҳои миллии хоси Наврӯзи шинос шуданд.
Ректори Донишгоҳ Зоир Раҳмонзода иброз дошт, ки ҷашни Наврӯз қадимтарин ва зеботарин ҷашни дунё аст, ки бо фарорасии хеш аз оғози фасли зебои баҳор мужда медиҳад. Ин мужда рамзи офариниши ҳаёт, эҳёи табиат ва оғози тозаи зиндагист.
Имрӯзҳо Наврӯзро дар Тоҷикистон, Қазоқистон, Қирғизистон, Туркманистон, Узбекистон, Озарбойҷон, Албания, Афғонистон, Эрон, Гурҷистон, Македония, Туркия, Муғулистон ва бархе аз давлатҳои дигар дар сатҳи давлатӣ ҷашн мегиранд.
Дар робита ба ин ҷашн як зумра устодону омӯзгорон бо ҷоизаю мукофотҳо қадрдонӣ гардиданд.
Дар қисмати фарҳангӣ-фароғатии базми наврӯзӣ шеъру сурудҳо дар васфи Ватану Наврӯз ва Тоҷикистон қироат карда шуда, ансамбли «Зуҳал» бо сурудҳои дилнишин хотири меҳмонону иштирокдоронро шод гардонид.
АКС: Донишгоҳи технологии Тоҷикистон
НАВРӮЗИ ДУШАНБЕ. Дар пойтахти Тоҷикистон барои дар сатҳи баланд пешвоз гирифтани меҳмонон омодагӣ мегиранд
НАВРӮЗ – ОМИЛИ ПОЙДОРИИ ВАҲДАТ. Дар ноҳияи Фирдавсӣ конференсияи ҷумҳуриявӣ доир шуд
«АЗ НАВРӮЗ ТО НАВРӮЗ». Дар Осорхонаи миллии Тоҷикистон намоиши анъанавӣ ифтитоҳ ёфт
Дар Данғара бахшида ба Ҷашни байналмилалии Наврӯз Мусобиқаи гӯштини миллӣ (гӯштингирӣ) доир мешавад
ТОҶИКИСТОН ВАТАНИ НАВРӮЗ АСТ! Суратгузориш аз ҷараёни корҳои омодагӣ ба ин ҷашни ҷаҳонӣ дар пойтахт
Дар ноҳияи Данғара «Шаҳраки наврӯзӣ» ташкил карда шуд
Дар Душанбе чорабинии фарҳангӣ — фароғатии «Dushanbe Navruz Fest» баргузор мешавад
Нақши Маркази байналмилалии Наврӯз барои кишварҳои ҳавзаи фарҳангии Наврӯз чӣ гуна хоҳад буд?
НАВРӮЗ — ҶАШНИ ҶАҲОНӢ. Ҳеҷ монеа ва қуввае онро натавонист аз байн барад
ИМКОНОТИ САЙЁҲӢ ДАР ЗАМИНАИ АРЗИШҲОИ ҶАШНИ БАЙНАЛМИЛАЛИИ НАВРӮЗ. Назаре ба муаррифии маконҳои сайёҳӣ
Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мегардад
Дар рӯзҳои ҷашни Наврӯз дар гардиши дараи Алмосӣ барои гӯсфанди зоти ҳисорӣ ва ангури тоифӣ муҷассама гузошта мешавад
