Ғолибони Мусобиқаи байналмилалӣ оид ба гӯштингирӣ бахшида ба Наврӯз дар Панҷакент муайян шуданд
ДУШАНБЕ, 18.03.2025 /АМИТ «Ховар»/. 16-17 марти соли 2025 бахшида ба Ҷашни байналмилалии Наврӯз дар шаҳри Панҷакенти вилояти Суғд Мусобиқаи байналмилалӣ оид ба гӯштингирӣ дар сатҳи баланд баргузор гардид. Дар ин мусобиқа паҳлавонон аз рӯйи чор вазн байни мардон- то 65кг,то 78кг, то 95кг ва +95 кг ва як вазн- 70кг байни занон рақобат намуданд. Дар ин хусус шореҳи варзиши АМИТ «Ховар» бо истинод ба Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар медиҳад.
Баргузории чунин мусобиқаҳои байналмилалӣ оид ба гӯштингирӣ дар рушди гӯштини миллӣ ва таҳкими нуфузи варзиши Тоҷикистон дар арсаи ҷаҳонӣ қадами муҳим мебошад. Ғолибони ин мусобиқаи байналмилалӣ ба таври зерин муайян шуданд:
— дар вазни то 65 кг се варзишгари шинохтаи тоҷик: Сарвар Абдушукуров, Боқӣ Валимуҳаммад ва Орифҷон Додов ба гирифтани медалҳои тилло, нуқра ва биринҷӣ сарфароз гардиданд. Як медали биринҷии дигарро Дилшод Бӯриев аз Ҷумҳурии Узбекистон соҳиб шуд. Ҳамчунин дар вазни то 78 кг се паҳлавонони шинохтаи тоҷик: Маҳмадшариф Наҷмиддинов, Наврӯз Каримзод ва Абубакр Боқиев соҳиби медалҳои тилло, нуқра ва биринҷӣ гардиданд. Як медали биринҷии дигарро варзишгар аз Ҷумҳурии Узбекистон Алимардон Абдулаҳатов соҳиб гардид.
Дар вазни то 95 кг Ҷонибек Казаков аз Ҷумҳурии Узбекистон ба гирифтани медали тилло ноил шуда, Озаранг Содиқ аз Ҷумҳурии Исломии Эрон соҳиби медали нуқра гардид. Паҳлавонони тоҷик Улуғбек Раҳимов ва Ғазалшои Давлатшо соҳиби медалҳои биринҷӣ шуданд.
Дар вазни +95 кг байни мардон Шералӣ Ҷӯраев бо Бекмурод Олтибоев аз Ҷумҳурии Узбекистон соҳиби медалҳои тилло ва нуқра гардиданд, Дадахон Қурбоналиев аз Ҷумҳурии Тоҷикистон ва Уулу Каручбек аз Ҷумҳурии Қирғизистон сазовори медалҳои биринҷӣ шуданд.
Дар вазни 70 кг байни духтарон Шоиста Назарова аз Ҷумҳурии Узбекистон соҳиби медали тилло, Ҷонона Назарова бо Шоҳида Қаландарова аз Ҷумҳурии Тоҷикистон соҳиби медалҳои нуқра ва биринҷӣ шуданд. Як медали биринҷии дигарро Оземӣ Камчюбекова аз Ҷумҳурии Қирғизистон соҳиб гардид.
Меҳрони ҚУРБОН,
шореҳи варзиши АМИТ «Ховар»
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
